SÃO JOÃO NEWMAN – Cardeal

Dom Carlos Filipe Ximenes Belo (Foto: STL)

STLNEWS.co – Iha loron 9 fulan Outubru ita hanoin santu ignlés ida. Nia naran John Henry Newman. Nia uluk pertense ba Igreja Anglicana, ne’ebé sira nia Papa mak Liurai-Mane Ka Liurai-feto nasaun Inglaterra, no ikus, United Kingdom nian. João Newman moris iha Londres (London) iha loron 21 fulan Fevereiru tinan 1801. Nia aman naran John Newan (ema bankeiru), no inan naran Jemima Fourdrinier. João iha tan alin mane na’in rua Francis William, (escritór) no Charels Robert, ikus mai sai ateu); nia iha alin feto na’i tolu, rua mak naran tuir mai: Mary no Jemina).

Sei joven, João estuda iha Trinity College, Oxford, Inglaterra (1816), no Oriel College (1822; simu ordenasuan saserdotal iha Igreja Anglicana. Nia tama Movimento de Oxford. Iha tempo ne’ebá. João Newman ema ida ke estudu boot, no hanoin kle’aan ;nia haree ba anglicanismo sai protestante demais no iha dimensaun laika (laica) barak; nia mos haree ba katolisizmu ne’e la duan diak. João Newman hahú estuda Kristianizmu nia hun no abut, liu liu iha aspetu Fé (Faith). Ikus mai, nia konverte, sai katoliku (1845). Nia ba simu fali ordenasaun saserdotal, tuir relijiaun katólika iha Roma iha tinan 1847. Fila fali ba Inglaterra, padre João Newman ba hela iha Birminghan. Iha ne’ebá nia loke Oratório São Filipe de Neri. Ikus mais nia mos kaer knar Reitor iha Universidade Católica iha Irlanda. João Newman hakerek livru barak kona ba Teologia, Filosofia, Literatura Cristã. Iha tina 1829 amu Papa Leão XIII foti ni aba Kardeal (Cardeal). Cardeal John Newman nate iha Edgsbaton; Birmingham, 11 Agostu 1890.

Iha loron 19 fulan Setembru 2010, amu Papa Bento XVI foti ni aba Beato, no ikus mai, amu Papa Francisco kanoniza santu, iha loron 13 fulan Outubro, 2019.

Lisboa 7 de outubro de 2020
Dom Carlos Filipe Ximenes Belo

LEAVE A REPLY

Please enter your comment!
Please enter your name here