SÃO LUCAS

Dom Carlos Filipe Ximenes Belo (Foto: STL)

STLNEWS.co – Iha loron 18 fulan Outubru, santa Kreda halo festa ba evanjelista São Lucas (Saun Lukas). Nia mak hakerek Evanjellu datolu no livru Actos dos Apóstolos.

Nia moris iha Antioquia (Síria), hosi uma-kain (família) ne’ebé kultu; no tuir tradisaun, niania knar dotór (médico) ka trata ema moras.Iha ninia surat ba ema iha Colosso, São Paulo hakerek: “hato’o kumprimentus ba imi, Lucas, ami nia dotór doben”(Col. 4, 14). Kala Saun Paulo mak konverte nia.

De facto, nia Saun Paulo nia belun no akompaña Paulo iha viajen misionária barak. Nia simu inspirasaun hosi Espirito Santo atu hakerek kona ba Naí Jezus nia vida (3.º Evangelho), no livro kona ba Apóstolo Pedro ho Paulo sira nia hahalok ka serbisu. Iha ninia Evanjellu Lucas hatudu Na’i Jezus ninia laran luak ba ema sala na’in sira (Zaqueu, Maria Madalena, ema na’ukten ka “bom ladrão”.

Hakreka parábola furak hanesan Bom Samaritano, Filho Pródigo.Tuir tradisaun ne’ebé rekole hosi Nicéforo Calisto iha séckulu XVI, no hetan inspirasuan iha fraze ida Teodoro nian, eskritu sékulo VI, dehan katak São Lucas ema pintor, no dehan nia pinta imajen Nossa Senhora nian. De facto iha Evangellu São Lucas pinta ka hakerek kona ba Anunciação, kona ba N’in Feto ba hahoris Kosok oan Jezus iha Belém, no halai ba Egipto.

Wainhira ema kaer Saun Paalu no hatam iha kadeia, iha Roma, São Lucas, trata nia. São Paulo hakrek surat ba Timóteo dehan: “ Lucas mak maluk “ mesak, sira seluk abandona hotu.São Lucas hakerek Evanjellu entre tinan 80 no 90, no hakerek iha dalen Grego.

Ho Saun Paulo nia mate, ema mos la dun ko’alia ona kona ba São Lucas. Surat ida hosi sékulu III haktuir mai ita katak São Lucas mate iha Bitinia, ho otas 74.

Lisboa, 17 de outubro de outubro de 2020
Dom Carlos Filipe Ximenes Belo

LEAVE A REPLY

Please enter your comment!
Please enter your name here