SÃO PIO X (Décimo) – (21 de agosto)

Dom Carlos Filipe Ximenes Belo (Photo: STL News)

STLNEWS.co – Ita sarani timor aprende doutrina hosi “Catecismo Badak ho Orasaun Ruma”. Catecismo ne’e amu-lulik Manuel Patrício Mendes mak hakerek, no Diocese Dili adota hanesan katesismu ba parókia sira. Cataecismo ho Orasaun ruma, ne’e tradusaun hosi Amo Papa Pio X nia Catecismo.

Pio X, molok atu sai Papa no hola naran foun, Pio X nia naran baptizmu mak Giuseppe Mechiorre Sarto moris iha Riese, Italia iha loron 2, fulan juñu tinan 1835. Nia aman naran Giovanni Battista Sarto, nia inan naran Margarita Sanson. Sei ho otas kiik, José frekuenta tiha eskola primária, tama Seminário iha Pádua. Simu ordenasaun sacerdotal iha 1858. Iha ninia karreira ekesiástika, nia hahú hanesan koadjutor (ka vigáriu), tuir mai, pároku, arcipreste, kónegu iha Treviso, diretór espiritual iha Seminário, vigáriu jeral, bispo Dioseze Mântua nina, iha 1884, no Cardeal-Patriarca iha Veneza, iha tinan 1893. Bele dehan, nia sa’e eskada hahú hosi karaik, hanesan amu vigariu pároku nian to’o fatin aas liu iha Uma-kreda, hanesan Kristu nia Vigáriu, ka Amo Papa, ho naran Pio X (1903). Há’u fó informasaun katak iha sékulu XX, aleinde Kardeal José Sarto, Patriarca Veneza seluk sai Amo Papa: João XXIII, 1958-1963 (Santo), no João Paulo I, 1978.

Iha ninia pontifikadu, Amo Papa Pio X halo buat barak ba Uma-kreda: Iha tinan 1903, nia halo lei/ukun ba Músika sakra; tinan 1904, harii Komisaun atu halo reforma ba Direito Canónico; tinan 1905, haruka halo Catecismo ba parókia sira iha Italia:

Em 1905, Pio X, em sua carta Acerbo nimis, determinou a existência da Confraria da Doutrina Cristã (classe de catecismo) em todas as paróquias do mundo. O Catecismo de Pio X é a realização de um catecismo simples, claro, breve e popular para uso uniforme em todo o mundo; foi usado na província eclesiástica de Roma e por alguns anos em outras partes da Itália. As características de Pio X eram “simplicidade de exposição e profundidade de conteúdo”.

Iha tinan 1905, halo dekretu kona ba komuñaun frekuente; iha tinan 1910, halo dekretu kona ba komuñaun ba labarik sira; iha tinan 1908, nia harii Instituto Bíblico, aneksu ba Universidade Gregoriana, iha Roma; iha tinan 1911, halo reforma ba Breviário. Nia hasoru ka kontra Modernismo, ne’e duni, ema barak iha Europa na América do Norte la gosta nia. Nia mate iha tinan 1914. Sai santu iha tinan 1954.


Lisboa, 24 de agosto de 2020
Dom Carlos Filipe Ximenes Belo

LEAVE A REPLY

Please enter your comment!
Please enter your name here