Funsionariu STL Limpeza Jeral Hodi Prepara Ba Aniversariu STL

Relasiona ho aniversariu Suara Timor Lorosae Corporation (STL Corp.) nian ba dala 28, funsionariu STL deside hodi realiza aktividades hanesan limpeza jeral ba edifisiu ou knua STL, kuda aifunan, nomos hadia dalan purtaun STL nian. (Foto: Efizenia da Costa)

DILI, STLNEWS.co – Relasiona ho aniversariu Suara Timor Lorosae Corporation (STL Corp.) nian ba dala 28, funsionariu STL deside hodi realiza aktividades hanesan limpeza jeral ba edifisiu ou knua STL, kuda aifunan, nomos hadia dalan purtaun STL nian.

Tuir Asistente Koordenador Kobertura Emerenciana Pinto informa, relasiona ho limpeza jeral iha edifisiu STL nian ba loron ohin nee, ho nia objetvu prinsipal atu prepara ba iha loron aniversariu STL nian ba dala 28.

“Hanesan ohin ita hatene STL Corp halao limpeza rasik, nunee bele halo preparasaun ba aniversariu ba dala 28,” dehan nia iha STL nia knaar fatin, Oesindo, Surikmas-Dili, Sabadu (16/01/2021).

Aleinde nee, observasun jornalista iha aktividades nee, maioria prezensa maximu tebes husi funsionariu STL iha knua hodi halao aktividades refere to remata.

Entretantu iha aktividades limpeza jeral nee, iha programa tolu hanesan limpeza jeral iha knua STL, no funsionariu ida-idak lori ai-oan no ai-funan, hodi kuda iha jardim STL, nomos hadia dalan purtaun nian neebe mak antes nee att hodi fo impaktu mos ba movimentu transporte tama no sai iha knua STL nian.

Reportajen: Efizenia da Costa/Santina Castro
Editor: Ekipa STL

LEAVE A REPLY

Please enter your comment!
Please enter your name here