Soe Lixu Iha Tibar, Governu Sei Aplika Taxa Ba Loja no Kompanhia

DILI, STLNEWS.co – Tuir dekretu lei numeru 2/2017, governu sei aplika taxa ba loja nain nomos ba kompanhia sira neebe soe lixu iha Tibar.

“Ita sei implementa Dekretu lei 2/2017 nee ba loja nain sira nomos kompanhia sira, hodi selu taxa wainhira sira soe lixu iha Tibar,” hatete Diretor Servisu Munisipal Agua Saneamentu no Ambiente, Hermino Moniz ba STL iha edifisiu Administrasaun Munisipiu Dili (AMD), Sesta (02/02/2024).

Nia esplika, ponte de koleksaun nee hanesan loja, kompanhia sira seluk, ida nee mos sei faze iha diskusaun para aplika taxa ba sira.

Iha fatin hanesan, Xefe Suku Caicoli Hipolito, Marques Sarmento deklara, loja no kompanhia balun sempre soe lixu iha fatin nee sempre nakonu, tanba nee husu ba loja nain no kompanhia sira tenke soe lixu iha Tibar, tanba governu fo sai ona avizu.

“Lixu fatin iha Suku Caicoli sufisente atu komunidade soe lixu iha neeba, maibe loja nain ho kompanhia balun mak lori lixu hodi soe, entaun lixu fatin nokunu lalais, maibe antes nee governu fo sai ona katak loja no kompanhia tenke lori rasik lixu ba soe,” nia informa.

Nia koalia, governu tenke fo sansaun ba loja nain nomos kompanhia sira atu soe lixu ba tibar, sei nain tula rasik ba soe iha Tibar mos tenke selu ba governu, atu nunee sira labele soe lixu arbiru iha sidade Dili.

(jen)

LEAVE A REPLY

Please enter your comment!
Please enter your name here