EUA Kondena Teste Míssil Balístico Husi Korea do Norte

STLNEWS.co – Estadus Unidus Amerika (EUA) kondena Korea do Norte neebe teste tiru míssil balístico (rudal balistik) iha Kuarta (15/09/2021). EUA hatete, Korea do Norte viola resolusaun Konsellu Seguransa Organizasaun Nasoens Unidas (ONU) no tiru koko míssil balístico 2 ba iha tasi.

“Estadus Unidus Amerika kondena teste tiru míssil balístico husi RDPK (Republika Demokratika de Povu Korea, naran ofisial Korea do Norte). Tiru nee viola rezolusaun balun husi Konsellu Seguransa ONU no hamosu ameasa ba RDPK no komunidade internasional sira seluk,” tenik porta voz Departamentu Estranjeiru EUA, neebe sita husi AFP.

Mesmu kondena hahalok Korea do Norte. EUA hetete, hakarak nafatin atu dialogu ho nasaun refere.

“Ami iha komitmentu nafatin halo aprosimasaun ba diplamatika ho RDPK, no husu sira atu inklui iha dialogu,” dehan porta voz Departamentu Estranjeiru EUA.

Iha revee programa fulan Abril kotuk ba, Governasaun Prezidente Joe Biden hatete ona, prontu envolve Korea do Norte. Maibe, vontade nee seidauk realiza. Diferente ho prezidente sira kotuk ba, Donald Trump hasoru malu dala 3 ho lider Korea do Norte, Kim Jong-un.

Aleinde nee Primeiru Ministru (PM) Japaun, Yoshihide Suga, hatete teste tiru míssil balístico loron nee demais ona, no kondena hahalok Korea do Norte nee, tanba ameasa seguransa mundial.

Korea do Norte halo teste míssil balístico iha Kuarta (15/09/2021). Míssil balístico nee konsidera bele semo ho forsa to’o kilometru 1.500.

Teste nee ofisialmente tuir kedas ho lansamentu míssil balístico husi submarinu Korea do Sul. Míssil nee tiru husi submarinu ba iha rai maran.

Fontes: CNN Indonezia

Editor: Xisto Mendonca da Costa

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...