Familiarization Trip 2017, Bele Hametin Kooperasaun TL-RI

KUPANG-Liu husi Programa Familiarization Trip 2017, bele hametin liu tan  kooperasaun entre  Indonesia ho Timor-Leste, tanba  halaao vizita ba fatin Turizmu no fatin istoriku sira.

Lia hirak nee hatoo husi Diretor Jeral Ministeriu Turizmu no Ekonomia Provinsi Nusa Tenggara Timur, Marius Ardu Jelamu hateten, haree ba programa nee orgullu tebes, tanba nee fiar katak  kontinua hametin kooperasaun  entre nasaun Timor-Leste ho Indonesia, maibe laos deit husi nasaun 2, iha mos nasaun sira seluk.

Tanba nee iha vizita ba fatin turizmu sira nee hodi hametin liu tan servisu hamutuk entre nasaun, maibe mos iha programa ida nee hanesan mos buat neebe diplomasi bisnis husi nasaun ba nasaun, tanba nee ninia efek ba bele fo benefisiu ba setor ekonomia, sosial, inklui mos promove kultura.

Neebe diplomasia entre nasaun nee laos deit liu husi estadu, maibe liu husi programa sira hanesan nee hodi halao vizita ba fatin turizmu.

Ami iha  NTT nee iha fatin turizmu barak tebes, no  iha  illa 1.192 , maibe iha 3 mak boot liu mak hanesan Flores, Sumba no ida seluk tan. Husi total illa neebe mak iha, seidauk inklui balu neebe seidauk konta,” katak Marius.

Tuir nia iha Illa sira nee, fatin mesak furak deit, nia fo ezemplu hanesan iha Flores iha danau 3 neebe kor oin-oin,  maibe kada tinan nee nia kor sempre mudansa, nunee mos iha animal tasi no animal foho, hanesan  Komodo, Avo Lafaek, Bibi Rusa, iha mos manu fuik neebe boot, Kuda, Samea, maibe hussi animal sira nee lahanoin aat ba komunidade sira. Nunee mos husi illa sira nee bele hatama mos sasan produtu lokal ba iha merkadu sira.

Nia hatete, ho vizita ida agora nee foin mak iha fatin balu deit, no fiar katak ba oin sei nafatin kontinua programa nee hodi halao vizita nafatin ba fatin turizmu barak mak seidauk ba inklui illa sira iha NTT.

Nunee mos bainhira dadalia ho Director Jeral Turizmu nee, Reprezentante Emabaisada Indonesia iha TL Marina Wari hatete, ho programa ida nee diak kapas tebes, tanba nee fiar katak programa nee sei fo benefisiu diak ba nasaun TL ho Indonesia, sa tan agora governu foun tanba nee kooperasaun sei lao diak liutan. Guilhermina Franco

LEAVE A REPLY

Please enter your comment!
Please enter your name here