Fo Apresiasaun, Arbenita Konvida Xanana Fahe Esperiensia Luta Iha Nasaun Kosovo

JAPAUN, STLNEWS.co – Mundu internasional kontinua rekoñese kapasidade lider istoriku Kay Rala Xanana Gusmão, neebe susesu hodi hamorin naran Timor-Leste ba mundu liu husi sakrifisiu luta ho matenek, neebe Xanana hatudu durante luta tinan 24 to’o agora. Bainhira fo apresiasaun, Arbenita Sopaj konvida Xanana atu vizita nasaun Kosovo fahe esperiensia luta.

Iha vizita ba Japaun, Domingu horisehik (21/11/2021), Reprezentante Dardania College husi nasaun Kosovo, Arbenita Sopaj entrega ofisialmente apresiasaun award ba Xanana Gusmão, akompaña husi Embaixador Timor Leste ba Japaun, Ilidio X. da Costa.

Reprezentante Dardania College, Arbenita Sopaj, agradese ba Xanana no konsidera apresiasaun nee hanesan sinal agradesimentu ba esforsu Xanana nian, hodi fo kontribuisaun fahe esperiensia ba Kosovo konaba dame no rekonsiliasaun (peace & reconciliation) iha Timor-Leste, neebe hato’o husi diskursu virtuál iha loron 24 fulan Junu tinan 2021.

“Apresiasaun award nee husi Dardania College, Kosovo tanba Xanana kontribui ba Peace no Reconciliation iha Timor Leste, hodi fahe esperiensia ba Kosovo, iha konferensia internasional ida neebe halao iha loron 24 fulan Junu tinan 2021. Arbenita konvida mos eis Prezidente Republika Xanana atu vizita ba Kosovo, hodi fahe esperiensia konaba luta Timor Leste no prosesu rekonsiliasaun ba sosiedade no estudante universidade sira,” dehan reprezentante Dardania College nee ba Xanana neebe haktuir iha komunikadu neebe STL asesu Segunda nee (22/11/21).

Nunee mos lider karimatiku Kay Rala Xanana Gusmão, agradese ba Dardania College neebe entrega apresiasaun award.

Xanana konsidera esforsu neebe nia halo hamutuk Timoroan, atu lori Timor-Leste nuudar nasaun kiik no kiak bele hetan rekoñesimentu husi mundu, hodi halo parte iha prosesu harii estadu, hodi tau matan ba povu nia moris no hadia infraestrutura para bele kontribui ba ekonomia.

Dadaun nee, mundu politiku rekoñese Xanana nia kapasidade, tanba susesu lori Timor ba ukun an, kria rekonsiliasaun ho nasaun viziñu hanesan Indonezia no Australia, hodi rezolve mos disputa fronteira tasi no rai ho dalan pasifiku.

(gui)

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...