Ilidio: Japaun Prontu Investe Area Telekomunikasaun Iha TL

DILI, STLNEWS.co – Embaixador Timor Leste iha Japaun hamutuk ho nia ekipa halo aprezentasaun no diskusaun ho CEO Kenja Company, hanesan Prezidente ba Japaun Telecom, Ted Katagi no Global Director Comercial Strategy (UK) Tomoki Fukasawa, nomos parte relevante seluk hodi koalia konaba pozisaun kompania boot balun iha Japaun, neebe prontu atu halo investimentu konaba area telekomunikasaun iha Timor Leste.

Tuir Embaixador Timor Leste iha Japaun, Ilidio Ximenes da Costa, hatete durante enkontru Prezidente Kenja Company iha interese boot atu halo investimentu iha TL, liu – liu iha area telekomunikasaun hanesan Vodafone, Century, IBM, Bitcoin, E-Government, oinsa atu utiliza sistema teknolojia informatika avansadu atu eduka alunus sira, nomos interese halo mos investimentu iha area sira seluk neebe bele tulun dezenvolvimentu iha Timor Leste.

“Liu husi enkontru nee, hau hato’o ba CEO Kenja katak, hanesan reprezentante Timor Leste iha Japaun hau sei organiza no fasilita atu halo ligasaun kompania Kenja ho autoridade kompetente hanesan TIC Timor, Trade & Invest no SERVE, I.P., atu bele hetan informasaun klean konaba prosedimentu no regulamentu investimentu iha Timor Leste, tan nee rezultadu husi enkontru dahuluk no ohin loron 01 fulan Setembru tinan 2021, nee iha rezultadu neebe diak tebes,” dehan Embaixador Ilidio da Costa liu husi press release neebe STL simu iha loron Kuarta nee (01/09/2021).

Embaixador nee mos haktuir liu tan, nia sei fasilita no organiza nafatin enkontru online ka (Zoom meeting) entre kompania Kenja ho Autoridade Nasional Komunikasaun Timor-Leste (ANC – TL ), neebe sai hanesan regulador ba investimentu iha area telekomunikasaun, atu nunee bele fornese informasaun klean konaba prosedimentu no regulamentu, oinsa atu hetan lisensa iha Timor Leste.

Durante Zoom meeting, Senhor Joao Freitas ho Jose Lay, aprezenta prosedimentu no regulamentu konaba investimentu iha area telekomunikasaun, no kompania Kenja sei prepara sira nia proposta e dokumentus oinsa atu rejistu sira nia kompania bazeia ba prosedimentu no regulamentu sira neebe aprezenta husi ANC.


Aleinde nee CEO kompania Kenja, hato’o obrigado wain ba embaixador neebe organiza enkontru nee ho diak tebes, tanba sira hetan informasaun klaru tebes, tan nee sira sei prepara dokumentus iha tempu besik no durante tinan ida (1) sira sei halo investimentu iha Timor Leste.

Enkontru neebe mak embaixador halo ona ho kompania sira nee, hahu kedas iha loron 15 fulan Jullu, hamutuk ho ekipa husi Embaixada Timor Leste iha Japaun, hanesan Julio Martins, Primeiru Sekretariu, Ligia Viera no Assistant Researcher iha International University Japaun, inklui estudante sira.*

Reportajen: Madalena Horta

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Horta Husu Komunidade Fo Resposta Los Ba Ajente Enumerador

DILI, STLNEWS.co - Prezidente Republika (PR), José Ramos Horta, husu ba komunidade sira atu fo resposta neebe los ba ajente enumerador sira neebe halo...

Kazu Droga TDD Aplika Medida AP Ba Arguidu Nain 9

DILI, STLNEWS.co - Tribunal Distrital Dili (TDD) iha loron Segunda nee (15/08/2022) liu husi despaisu ikus ba prosesu primeiru interogatoriu (AP), desidi aplika medida...

Governu Lansa Sensus Populasaun & Uma Kain 2022

DILI, STLNEWS.co - Governu liu husi Ministeriu Finansas (MF) Segunda nee ofisialmente lansa sensus populasaun no uma kain iha tinan 2022 nee. Iha fulan Marsu...