Kandidatu Transferensia Foun Supreza PSG: Husik Mbappe, Hola Ronaldo

STLNEWS.co – Maske epoka nee kompetisaun hahu ona, maibe Paris Saint-Germain (PSG) sei iha oportunidade neebe diak antes transferensia livre nee termina, hodi lori Cristiano Ronaldo no husik Kylian Mbape.

PSG to’o oras nee ekipa neebe espetakular iha livre transferensia liu husi prezensa Gianluigi Donnarumma, Sergio Ramos, Achraf Hakimi, Georginio Wijnaldum, ate Lionel Messi.

Mesmu foti ona dalan naruk, maibe atividade livre transferensia PSG seidauk termina epoka nee. Agora nee PSG sei esforsu an hodi defende Mbappe no hasae kontratu ba jogador idade 22 nee.

Maibe, to’o oras nee mos Mbappe sei kaer nia komitmentu katak, nia lakohi hanaruk nia kontratu ho PSG.

Real Madrid hatete, prontu ona atu rekruta Mbappe iha epoka nee. Los Blanco, sita husi Daily Mail, fiar katak, sei oferese millaun 145 poundsterling hodi hola Mbappe epoka nee.

Valor neebe sira ofere bele dehan katak kustu boot ba PSG, neebe sei lakon Mbappe ho gratuitu iha epoka ikus nee.

Sem aumenta kontratu, Mbappe sei livre halo negosiasaun ho klubu neebe deit, sura husi antes fulan Janeiru.

Situasaun nee sei dudu PSG hodi foti dalan neebe todan hodi faan Mbappe livre transferensia epoka nee.

Situasaun Ronaldo iha Juventus agora dadaun 100% seidauk fiksu, Ronaldo sai hanesan jogador rezerva no espera tama iha bursa faan Juventus nian.

Ronaldo oras nee dadaun deisandu (menyisakan) kontratu epoka ida tan iha Bianconeri, meibe seidauk iha serteza hodi hanaruk kontratu.

Antes nee PSG kombina ona ho Ronaldo hanesan alternativu transferensia iha epoka oin, sekuandu sira lakon Mbappe. Maibe situasaun neebe mak iha, dudu PSG book an lalais hodi asegura tiha Ronaldo.

Aleinde nee, PSG laos klubu neebe hakarak Ronaldo deit, maibe Real Madrid ho Manchester City mos hakarak dada Ronaldo ba iha sira nia Klubu.

Husik kontratu ho Ronaldo iha Juventus, sita husi Sky Sports, oras nee dadaun bele dehan baratu, ho deit millaun 28 euro.

Aleinde Ronaldo, naran seluk sei rekruta husi PSG iha livre transferensia mak, Paul Pogba. Futuru Pogba nian iha Machester United oras nee dadaun seidauk klaru.

“Prezensa Pogba nia iha mundu futebol, ita hatene katak buat hotu bele akontese, no situasaun bele iha mudansa,” tenik Pochettino, neebe sita husi Sportsmole.

Fontes: CNN

Editor: Xisto Mendonca da Costa

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: