KBRI Dili Realiza Aniversariu Independensia RI Ba Dala 75

Embaixador Indonezia ba Timor Leste, Sahat Sitorus ho nia espoza Bintang C. Sitanggang kari aifunan iha Taman Makam Pahlawan Seroja Dili, Sesta (14/8/2020). (Photo: Mikael Mali Mau/STL News)

DILI, STLNEWS.co – Maske iha situasaun surtu Covid-19 nia laran, governu no povu Indonezia iha rai laran no estranjeiru, aban loron Segunda (17/8/2020), sei selebra aniversariu loron Independensia Republika Indonezia ba dala 75 (17 Agostu 1945-17 Agostu 2020), ho simplidade no kumpri nafatin regras surtu Covid-19 hodi uza maskra, fase liman no distansia sosial.

Iha Timor Leste (TL), KBRI Dili sei realiza serimonia isar bandeira Merah Putih, iha ho limita partisipante bazeia ba konvite KBRI Dili. Antes realiza serimonia isar bandeira, Sesta (14/8/2020) tuku 09.00 OTL, halao aktividade peregrinasaun ba Jardim Heroi Nasional ka Taman Makam Pahlawan (TMP) Seroja Dili, hodi kari aifunan no fo omenajen ba heroi sira. Aktividade nee diriji husi Embaixador RI ba TL, Sahat Sitorus.

Marka prezensa iha peregrinasaun nee maka diplomata sira iha KBRI Dili, Diretor Banku Mandiri Dili Jan Winston Tambunan, Diretor Pertamina Internasional Timor Beny Harto Wijaya, Diretor Banku BRI Dili Fenny Amalo, reprezentante husi Telkomcel no reprezenta komunidade Indonezia iha TL.

Konaba serimonia isar bandeira iha KBRI Dili hodi komemora loron independensia RI ba dala 75, Embaixador RI ba TL, Sahat Sitorus apela ba sidadaun Indonezia iha TL atu akompañia serimonia nee liu husi akun Facebook no YouTube KBRI Dili. Tuir Embaixador Sahat Sitorus, serimonia isar bandeira hodi komemora loron Independensia RI ba dala 75, nafatin halao ho simplidade iha KBRI Dili, Segunda (17/8/2020) tuku 09.00 WTL.

“Laiha festa, iha deit kompetisaun desportu tenis meza, kompetisaun fotografia no kompetisaun konta istoria ho lingua Indonesia iha Centru Kultura Indonezia, neebe partisipa husi sidadaun Indonezia, sidadaun Timor Leste, no professora BIPA (Bahasa Indonesia untuk Penutur Asing),” dehan Embaixador Sahat Sitorus ba STL, Domingo (16/8/2020).

Kontinua ba pagina 2

LEAVE A REPLY

Please enter your comment!
Please enter your name here