Konhese Prezidente Volodymyr Zelensky
Husi
Mikael M. Mau
RUBRIKA profile edisaun Sesta (8/4/2022) nee atu fo konhesimentu figura Prezidente Ukraina, Volodymyr Zelensky neebe agora daudaun terus hamutuk ho nia povu, tanba Prezidente Rusia Vladimir Putin haruka nia militar halo invazaun iha Ukraina. Besik fulan rua ona, Prezidente Volodymyr Zelensky ho nia povu funu hasoru militar Rusia. Konsekuensia husi funu ida nee, ema rihun ba rihun mak mate no ema rihun ba rihun mak sai refujiadus iha nasaun vizinhu sira.
Rusia nudar nasaun boot ho fasilidade funu nian neebe modernu hahu husi loron Kinta (24/02/2022) rega bomba iha sidade boot Ukraina nian, hanesan Kiev, Khakiev, Odesa, Dnipro no Kramatorks. Maski ho fasilidade funu nian neebe limitadu, Prezidente Volodymyr Zelensky ho nia povu lakohi rende. Prezidente Rusia Vladimir Putin fosai ona dadus katak, durante fulan ida resin funu hasoru Ukraina, militar Rusia rihun rua resin mak mate no husi Ukraina rihun sanulu resin lima.
Prezidente Volodymyr Oleksandrovych Zelensky laos ema politiku, maibe nia nudar ema neebe komedian (komik-dor ida) neebe hahu ho karier iha mundu entertainment (divertimentu). Hakerek nain skenariu filme nee, moris iha Kryvyy, Ukraina, 25 Janeiru 1978. Nia sai prezidente iha tinan 2019, depois manan ho votus maioria (73%) iha eleisaun prezidente segunda volta bainhira kompete ho kandidatura prezidente, Petro Poroshenko neebe hetan deit votus 24,4%.
Kontinua ba pajina 2
