Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co – Lider karismatiku Xanana Gusmão, nu’udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho Abie Kamara husi Sierra Leone, reprezenta Prezidente g7+ lidera diskusaun g7+ iha Lisboa, Portugal.

Enkontru g7+ iha loron 30 Novembru 2021 konklui ho konkordansia ba prioridade importante balun neebe atu implementa iha tinan 2022, inklui planu atu organiza enkontru nível altu entre xefe estadu iha fulan Setembru durante sesaun 77th husi Asembleia Jeral Nações Unidas nian iha Nova Yorke.

Haktuir komunikadu neebe STL asesu Sabadu nee (04/12/2021), enkontru  g7+ halao iha loron 30 novembru 2021 entre ofisial senior sira rasik ho objetivu hodi avalia hikas progresu neebe atinje ona no identifika prioridade ba tinan oin, konaba atu kontribui ba rekuperasaun husi pandemia COVID-19 no promove paz ho estabilidade iha nasaun frajil sira. Pesoa eminente g7+, Xanana Gusmão no Abie Kamara husi Sierra Leone, reprezenta Prezidente g7+ mak marka prezensa fizikamente no lidera dikusaun iha g7+ nian iha Lisboa.

Partisipantes neebe partsispa iha enkontru nee mak hanesan Vice Ministru Negocio Estrangeiru husi Liberia, Cllr. Deweh Gray, Secretario Estado ba Koperasaun Internasional husi Guinea-Bissau, S.E. Ude Fati, ofisial senior sira husi Union des Comores, Cote d’Ivoire, DRC, Guinea, Guinea-Bissau, Haiti, Liberia, Sao Tome e Principe, Sierra Leone, Timor Leste, no Togo partisipa virtualmente liu husi  husi zoom meeting.

Durante enkontru, diskusaun foka liu ba iha dezafius atu kombate COVID-19, liu-liu konaba distribuisun husi vasina ba iha nasaun frajil sira. Membru sira konkorda katak, g7+ nu’udar platforma ida neebe importante ba membru sira atu hatoo sira nia preokupasaun ba Organizasaun Mundial Saude no doadores sira seluk atu labele husik nasaun ida iha kotuk.

Enkontru nee konklui ho konkordansia ba prioridade importante balun neebe atu implementa iha tinan 2022, inklui planu atu organiza enkontru nivel altu entre xefiedo estadu iha fulan Setembru durante sesaun 77th husi Asembleia Jeral Nações Unidas nian iha Nova Yorke.

(gui)

LEAVE A REPLY

Please enter your comment!
Please enter your name here

NEWS UPDATE

Atletizmu Realiza Kampionatu Nasional

DILI, STLNEWS.co – Federasaun Atletizmu Timor Leste realiza kampionatu nasional, ho objetivu hodi halo selesaun ba atleta sira neebe mak atu partisipa iha kompetisaun Sea...

Suku 4 Iha Munsipiu Aileu Seidauk Asesu Eletrisidade

DILI, STLNEWS.co – To'o oras nee suku 4 iha Munisipiu Aileu, kompostu husi aldeia 31 seidauk asesu eletrisidade, tanba nee sente hanesan diskriminasaun ba populasaun. Informa...

TL Presiza PR Iha Maturidade No Matenek

DILI, STLNEWS.co – Loron 19 fulan Marsu sei hala'o eleisaun prezidensial, tanba nee Timor Leste (TL) presiza Prezidente Republika (PR) neebe maturidade no matenek. Tuir...