ONU Aperta Nasaun Sira Iha Mundu, Hodi Fo Apoiu Ba Afganistaun

STLNEWS.co – Sekretariu Jeral Organizasaun Nasoens Unidas (ONU), Antonio Guterres aperta nasaun sira iha mundu atu fo ajudasaun ba iha Afganistaun.

“Sidadaun Afganistaun presiza ajudasaun,” tenik Guterres iha ministru sira nia oin, iha konferensia nivel altu konaba ajudasaun ba iha Afganistaun, Segunda (13/09/2021).

Guterres informa, Afganistaun presiza tebes ajudasaun husi parte hotu, prinsipalmente ba feto no labarik, inklui ema sira neebe hetan ameasa husi Taliban. Kondisaun povu Afganistaun oras nee sente preokupa tebes, dezde Taliban okupa Afganistaun iha fulan kotuk ba.

“Durante iha funu nia laran, povu Afganistaun hasoru hela presaun, la seguru, no ameasa oin – oin, sira oras nee hasoru hela situasaun difisil no perigu tebes. Iha konferensia nee ita laos oinsa atu fo ajudasaun, maibe hanesan tusan ida ba ita,” tenik Guterres.

Guterres akresenta, oras nee Afganistaun hasoru hela krize umanidade aat liu iha mundu. Afganistaun mos hasoru hela bailoro naruk (kekeringan), refujiadus aumenta, inklui impaktu Covid-19.

Liu husi konferensia nee, ONU esforsu rekolla millaun US$ 606. Finansia nee kalkula to’o hodi ajuda ema millaun iha Afganistaun, fulan haat ba oin.

ONU rasik sei fo millaun US$ 20 husi finansia resposta emerjensia, atu fo apoiu operasaun umanidade iha Afganistaun.*

Fostes: CNN Indonezia

Editor: Xisto Mendonca da Costa

LEAVE A REPLY

Please enter your comment!
Please enter your name here

NEWS UPDATE

Update Covid-19 TL Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: