Organizasaun Nasoens Unidas (ONU) Komesa Voo Ba Misaun Direitus Humanus Iha Afganistaun

STLNEWS.co – Organizasaun Nasoens Unidas (ONU) komesa voo (penerbangan) ba misaun direitus humanus ba Afganistaun iha Kinta (02/09/2021).

Porta voz ONU Stephane Dujarric hatete katak, voo direitus humanus nee komesa halao operasaun hamutuk ho 160 organizasaun direitus humanus hodi kontinua salva vida humana iha area sira provinsia Afganistaun nian.

Iha voo tolu (3) atu halo operasaun husi dalan Islamabad, Pakistaun, sidade segundu Afganistaun mak Mazar-i-Sharif, no Kandahar.

Tuir Dujarric iha ona voo tolu (3) mak tuun ona iha Mazar-i-Sharif dezde loron 29 fulan Agostu kotuk. Voo hotu – hotu lori ajudasaun sesta baziku ba povu Afganistaun.

Nia hatete katak, oras nee ONU kontinua esforsu atu aumenta voo mai to’o iha area sira seluk Afganistaun nian.

“Husi 2002 to’o 2021, voo direitus humanus ONU iha Afganistaun kuaze hamutuk rua nulu (20), objetivu atu salva vida humanu iha nasaun neeba. Ami sei esforsu an fila fali, ba fatin sira seluk hodi ajuda sira,” tenik Dujarricc hanesan sita iha AFP.

Aleinde nee, Dujarric mos hatete katak, ONU sei esforsu an hodi prepara voo kargo atu sasan sira neebe laos hahan, hanesan sasan mediku nian bele ba to’o lalais iha neeba.

Nunee mos, voo ho objetivu atu ba Afganistaun, oras nee seidauk halo operasaun, aeroportu Internasional Hamid Karzai seidauk ativu bainhira forsa Estadus Unidus Amerika foti ain husi neeba iha semana foin lalais nee.

Voo oras nee presiza los, tanba sei iha sidadaun barak husi rai liur nomos sidadaun Afganistaun rasik hodi hein hela ajuda atu evakua.

Oras nee seidauk hatene parte neebe mak atu halo operasaun iha aeroportu Kabul, antes EUA foti ain husi neeba, Turki halo operasaun iha aeroportu Kabul dezde tinan 2004. Oras nee Turki ho Qatar kontinua kordena malu hodi koalia konaba operasaun iha aeroportu Kabul.

Fontes: CNN Indonezia

Editor: Xisto Mendonca da Costa

LEAVE A REPLY

Please enter your comment!
Please enter your name here

NEWS UPDATE

Horta Husu Komunidade Fo Resposta Los Ba Ajente Enumerador

DILI, STLNEWS.co - Prezidente Republika (PR), José Ramos Horta, husu ba komunidade sira atu fo resposta neebe los ba ajente enumerador sira neebe halo...

Kazu Droga TDD Aplika Medida AP Ba Arguidu Nain 9

DILI, STLNEWS.co - Tribunal Distrital Dili (TDD) iha loron Segunda nee (15/08/2022) liu husi despaisu ikus ba prosesu primeiru interogatoriu (AP), desidi aplika medida...

Governu Lansa Sensus Populasaun & Uma Kain 2022

DILI, STLNEWS.co - Governu liu husi Ministeriu Finansas (MF) Segunda nee ofisialmente lansa sensus populasaun no uma kain iha tinan 2022 nee. Iha fulan Marsu...