PM Yoshihide Suga Rezigna An, Tanba Saude La Permiti

STLNEWS.co – Politika Japaun kontinua namanas, oras nee Primeiru Ministru (PM) Japaun Yoshihide Suga hatete, nia labele kontinua pozisaun hanesan Prezidente Partidu Demokratiku Liberal (PDL).

Ho nunee, ninia naran labele karega hanesan PM husi partidu neebe mak ukun nee. Pozisaun Suga hanesan PDL sei remata iha loron ikus Setembru nee.

Ho Suga nia rezigna na ida nee, naran kandidatura foun sira komesa mosu, konaba se mak atu kandidata an hodi troka nia. Liu husi peskiza neebe halo husi media Yomiuri Shimbun, mosu Taro Kono hanesan kandidatura foun neebe antusiasmu husi sidadaun sira hodi troka Suga.

Kono hanesan Ministru Reforma Administrasaun neebe hanesan mos kontrola vasinasaun Covid-19 iha Japaun. Liu husi survei, nia hetan opoiu 31.9% husi populasaun sira.

Taro Kono iha idade 58, nia uluk okupa pozisaun hanesan Ministru Defeza no Ministru Estranjeiru.

Iha povu nia leet, mane neebe ho graduadu husi Universidade Georgetown, nia mos koalia hatene lian Ingles diak, inklui ativu uza media sosial. Nia mos iha kanal ho lian Japaun no ho lian Ingles kuaze 2,3 millaun mak  tuir (follow).

Aleinde nee, konsidera hanesan parte ida neebe idade sedauk avansadu. Ida nee diferensa dook ho kandidatura seluk, hanesan Eis Ministru Defeza Japaun Shigeru Ishiba tinan 64, ou Eis Ministru Estranjeiru Famio Kishida.

Suga hanesan Primeiru Ministru iha neebe Shinzo Abe deside rezigna an, tanba ho razaun saude. Oras nee, konfiansa publiku ba nia tuun ba 30%, tanba konsidera failla iha atendimentu ba pandemia Covid-19.

Fontes: CNBC Indonezia

Editor: Xisto Mendonca da Costa

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: