Prezidente Donald Trump Nia Alin, Robert Trump Hakotu Iss

Prezidente Estadu Unidus Amerika (EUA) Donald Trump nia alin rasik, Robert Trump, hakotu ona nia iss hodi fila hikas ba Aman Maromak nia Kadunan Santu, depois halao tratamentu saude iha ospitál. (Photo: CNN)


STLNEWS.co – Prezidente Estadu Unidus Amerika (EUA) Donald Trump nia alin rasik, Robert Trump, hakotu ona nia iss hodi fila hikas ba Aman Maromak nia Kadunan Santu, depois halao tratamentu saúde iha ospitál. Maibe seidauk hatene lolos diagnosa husi Robert Trump nia moras to’o nia hakotu iss. Ospitál mos la bele fo sai diagnosa tanba sei segredu hela.

Robert Trump hakotu iss iha loron Sabadu (15/8/2020). Informasaun konaba Robert Trump husik ona mundu, fila fali ba Aman Maromak nia Kadunan Santu hato’o rasik husi nia maun Donald Trump.

“Ho laran todan no triste hau hakarak hato’o katak, hau nia alin ne’ebé laran diak tebes, hakotu ona nia iss ho dame kalan ne’e,” katak Trump liu husi nia deklarasaun iha Palásiu Prezidensiál “Uma Mutin” EUA.

“Nia (Robert Trump-Red.) laos deit alin, maibe nia hau nia amigu neebe diak. Hau hanoin los nia, maibe ita sei hasoru malu. Hau hanoin nia sei iha hau nia laran no nia sei la lakon husi hau nia laran to’o mate. Robert, hau hadomi o. Deskansa ho dame,” dehan Donald Trump.

Robert Trump hakotu iss ho idade tinan 71. Robert hanesan emprezariu ida ne’ebé halo negosiu iha area real estate. La hanesan Donald Trump, Robert sempre hases-an husi publikasaun media.

Reportajen media EUA fo sai katak, Robert antes ne’e moras grave no halao tratamentu nia saúde hahu husi fulan Junhu 2020. Maibe, laiha informasaun detaillu konaba ninia moras.

Fonte: AFP

Editor: Ekipa STL

LEAVE A REPLY

Please enter your comment!
Please enter your name here