Professor Marcelo Rebelo de Sousa Re-Eleitu Prezidente Portugal

Prof Marcelo manang votos maioria hodi halakon kandidatu seluk inklui Dra. Ana Gomes, Amigu ho defensor povu ho nasaun TL, diplomata senior, Deputada Uniaun Europeia, ho Embaixadora Portugal iha Indonezia. (Foto: Espesial)

DILI, STLNEWS.co – Eleisaun Prezidensial Portugal neebe halao iha loron 24 Janeiru 2021, hili fila fali Professor Marcelo Rebelo Sousa, nudar Pezidente Portugal ba mandatu dala rua.

Tuir RTP (Rádio e Televisão de Portugal), Professor Marcelo manang votos maioria hodi halakon kandidatu seluk inklui Dra. Ana Gomes, Amigu ho defensor povu ho nasaun TL, diplomata senior, Deputada Uniaun Europeia, ho Embaixadora Portugal iha Indonezia.

Prezidente Marcelo iha nia diskursu badak iha oras 23.50 kalan (24 Janeiru kalan, TL madrugada ou dader 25 Janeiru) bainhira hatene, nia hetan fila fali konfiansa povu Portugues hatete, sei buka atu estabiliza no laos Prezidente ba ema diak deit hodi hasoru ema at sira.

Professor Marcelo mos hato’o nia agradesimentu klean ba povu Portugues ho sente honradu atu servi nasaun ho povu.

“Hau iha konsiensia tomak katak konfiansa neebe hetan fila fali renovasaun nee, laos cheke mamuk. Se mak simu fali konfiasa atu kontinua mandatu nee katak kontinua atu sai Prezidente ba ema hotu, ho ema portugues ida-ida,” hatete Prezidente Marcelo.

Nia hatutan, sai Prezidente besik ba ema hotu, tanba Prezidente mak estabiliza, Prezidente halibur ema hotu. Laos Prezidente ba ema balu deit, laos Prezidente ba diak deit hodi hasoru ema at sira nomos laos Prezidente ema lubuk oan ida nia.

“Prezidente ida mak respeita pluralismu ho diferensia. Prezidente mak nunka bele dizeste ho justisa social,” hatete Professor Marcelo neebe hahu nia mandatu ba da uluk iha loron 9 Marsu 2016.

Ana Gomes maski lakon iha eleisaun nee, maibe nia sente katak objetivu mak nia hakarak hetan iha eleisaun nee hetan duni. Ana kongratula Prezidente Marcelo ba nia re-eleisaun nee.

Fonte: RTP
Editora: Carme Ximenes

LEAVE A REPLY

Please enter your comment!
Please enter your name here