Ramos Horta Oferese Kafe Timor Ba Amu Papa Francisco

DILI, STLNEWS.co – Kafé Timor-Leste naran morin tan iha mundu internasional. Eis Prezidente RDTL José Ramos Horta, neebe oras nee dadaun tuir enkontru panel juri premio fraternidade umana (Zayed Award for Human Fraternity) neebe mai husi inisiativa Amu Papa Francisco, aproveita oportunidade nee hodi promove no oferese kafe Timor ba Santu Padre.

Foto: Pajina Facebook José Ramos Horta

Tuir informasaun neebe STL simu husi premiadu Nobel da Paz José Ramos Horta katak, kafe Timor oferese ba Amu Papa bainhira remata reuniaun formal ho Amu Papa, iha loron Kuarta (06/10/2021) iha Roma.

Bainhira dada lia ho Sasaseluk S. Pedro nia, Ramos Horta husu ba Amu Papa hemu kafe dader – dader karik diak liu hemu kafe Timor. Tanba kafe Timor diak liu iha mundu, no diak liu kafe Brasil no kafe Colombia.

Foto: Pajina Facebook José Ramos Horta

Eis Prezidente Republika TL nee mos husu atu Amu Papa hemu kafe Timor bele karik publika mos.

Tuir nia katak bainhira rona esplikasaun konaba kafe Timor, Amu Papa hamnasa. Amu Papa hatan ba Ramos Horta neebe husu atu publika bainhira hemu kafe Timor, Amu Papa dehan bele.

Iha biban nee, eis Prezidente Republika nee mos entrega kafe Timor ba membru juri sira seluk.*

Reportajen: Guilhermina Franco
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...