STLNEWS.co – Manchester United asegura katak, Cristiano Ronaldo sei uza kamizola numeru 7 hafoin fila fali mai Old Trafford.
Informasaun nee hato’o ofisialmente husi Manchester United liu husi media sosial iha Kinta (2/9/2021).
“Manchester United konfirma katak, Cristino Ronaldo sei uza kamizola iha kotuk ho numeru 7 hafoin fila mai Old Trafford,” deklarasaun klubu.
Numeru 7 antes nee uza husi Ronaldo bainhira nia defende Manchester United iha periodu primeiru iha tinan 2003-2009. Numeru nee depois sai famozu.
Ronaldo mos uza numeru 7 bainhira joga iha Real Madrid no Juventus, nunee mos defende ekipa nasional Portugal.
Maibe, Ronaldo konsege fiar labele uza numeru nee bainhira fila fali mai Manchester United.
Numeru 7 sai ona Edinson Cavani nian antes nia mai hamutuk ho skuad The Red Devils iha epoka tinan 2020.
Sita husi jornalista ESPN Dale Johnson, regulamentu Premier League mos hatete, jogador neebe rejistu ona labele troka numeru seluk ba mai durante epoka ida nia laran.
Dale Johnson esplika katak, bainhira Ronaldo hakarak uza kamizola ho numeru 7, Cavani tenke husi MU ou hetan dispensasaun espesial husi Premier League.
Manchester United ikus mai susesu hetan dispensasaun spesial, nunee Ronaldo bele uza numeru 7.
Fontes: Kompas.com
Editor: Xisto Mendonca da Costa
