BANGKOK, STLNEWS.co – World Trade Organization (WTO) realiza seminariu “Outreach for joirnalist in Southeast Asia on the Multilateral Trading System” iha Bangkok, Thailand, durante loron haat (4) husi 25 Abril – 28 Abril 2023 ba jornalista sira husi nasaun rejiaun ASEAN no Pasifiku inklui mos Timor Leste.
Seminariu nee abertura husi Head of Press Section Information and External Relations Divisions, Daniel Pruzin ho Information Officer Information and External Relations Division, Jessica Hermosa neebe realiza iha Hotel Movenpick, Sukhumvit 15, Bangkok, Thailand.
Jornalista neebe partisipa iha eventu nee hanesan husi nasaun Singapura, Indonezia, Malazia, Filipina, Laos, Brunei Darussalam, Fiji, Samoa, Tonga, inklui mos Timor Leste.
“Hau hanoin seminariu ida nee importante teb-tebes ba jornalista sira neebe maka mai husi nasaun ASEAN no Pasifiku inklui Timor Leste hodi fahe informasaun konaba Multilateral Trading System nomos oinsa ba jornalista sira bele halo kobertura diak liu tan espesialmente ba area ekonomia ligadu ho sistema iha World Trade Organization,” dehan Head of Press Section Information and External Relations Divisions, Daniel Pruzin iha seminariu refere, Tersa (25/04/2023).
Iha oportunidade nee mos partisipante sira rona mensajen husi Diretor Jeral WTO, Ngozi Okonjo-Iweala neebe hatoo ninia sentimentu ksolok ba partisipante sira husi Geneva, Suisa liu video badak kona ba dezenvolvimentu komersiu enjeral iha nasaun ASEAN no Pasifiku.
“Ita boot nia rejional (Red – ASEAN & Pasifiku) kaer knaar neebe importante iha mundu komersiu no sai sentru ba isu importante balu neebe agora dadaun WTO halo,” dehan Diretor Jeral WTO, Ngozi Okonjo-Iweala.
Iha okaziaun nee, Jessica Hermosa nuudar Information Officer Information and External Relations Divisions iha WTO aprezenta materia kona ba background husi WTO, hanusa WTO ninia lalaok, nomos atividade komersiu ba media sira oinsa sistema reportajen espesialmente konaba kobertura ekonomia.
Iha okaziaun nee mos, hetan aprezentasaun materia kona ba Regional Perspectives (Perspetiva Rejional) husi Executive Director, Office of the International Cooperation, International Institute for Trade and Development, Manu Sithiprasasana.
(jos)
