Xanana Hanesan Akademista Iha Universidade Waseda, Fo Palestra Ba Estudante

JAPAUN, STLNEWS.co –  Pessoa eminente ba organizasaun g7+ fó palestra públiku (Public Lecture) konaba “Papel Nasaun g7+ Nian Hodi Hari Pas” ba estudante nain 70 neebé estuda konaba Koperasaun Internasional no Hari Pas (International Cooperation and Peacebuilding) iha Universidade Waseda iha Japaun. No introdus Xanana hanesan akademista husi Universidade Waseda.

Professor Yamada Mitsuru husi Departementu Relasaun Internasional, iha Fakuldade Siensia Sosiais husi Universidade Waseda bainhira halo abertura ba palestra nee, introduz “Kay Rala Xanana Gusmão, nuudar akademista ida iha Universidade Waseda, tanba universidade oferese ona doutór onoráriu (Honorary Doctorate) iha Direitu (Law) iha tinan 2016,” haktuir komunikadu neebe STL asesu Kinta nee (25/11/21).

Professor Yamada vizita ona Xanana bainhira sei kumpre hela pena prizaun husi prizaun Cipinang, Indonezia no nia konsidera Xanana nuudar lider ida neebé diak tebes iha Timor-Leste.

Entretantu, Kay Rala Xanana Gusmão iha nia intervensaun, koalia konaba estabelesimentu husi g7+ nuudar organizasaun intergovernamental, halibur hamutuk nasaun 20 neebé afeita husi konflitu atu fahe esperiensia no aprende ba malu konaba paz no rekonsiliasaun liu husi programa kooperasaun entre Frajil-ba-frajil (F2F). g7+ mós defende makaas ba Objetivu Dezenvolvimentu Sustentavel (ODS)16: konaba Paz, Justisa no Haforsa Institusaun nuudar fundasaun ida atu atinje ODS sira seluk.

Xanana reforsa tan konaba importansia husi paz hodi hateten katak “Sei La Iha Paz, Sei La Iha Dezenvolvimentu” nudar moto husi g7+.

(gui)

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...