Xanana Lobi Universidade Waseda Simu Estudante Membru G7+

JAPAUN, STLNEWS.co – Lider Nasional Kay Rala Xanana Gusmão, susesu lobi Universidade Waseda Japaun, hodi prontu atu simu estudante nasaun membru g7+ husi 21 ba halao sira nia estudu mestradu no doutoramentu iha área oin – oin.

Pedidu loby universidade antiga Japaun susesu durante enkontru armonia entre Xanana Gusmão ho Vise Prezidente Waseda University, Masahiko Gemma, ho Administrative Director International Affairs Division, Hidetaka Yamada neebe akompaña husi Embaixador Japaun ba Timor-Leste, Ilidio Ximenes da Costa no ekipa tekniku g7+.

Pesoa eminente ba organizasaun g7+, Xanana Gusmão, agradese hodi esklarese mós difikuldade neebe nasaun membru g7+ sira hasoru, iha área edukasaun presiza hetan apoia husi univeridade sira iha Japaun, no nasaun seluk tan neebe iha rekursu no biblioteka kompletu, hodi fasilita rekursu ida ho kualidade.

“Lori nasaun membru g7+ sira hotu, hau hato’o apresiasaun boot, ba imi nia domin no imi nia laran diak sira atu simu hau nia pedidu hodi simu estudante nasaun membru g7+ mai halao sira nia estudu iha nee. Ida nee hanesan informasaun diak ida, hau sei tranzmite ba ekontru pais g7+ iha Portugál,” dehan Xanana, neebe haktuir iha komunidade neebe STL asesu kinta nee (25/11/2021).

Nia dehan, molok estabelese kooperasaun nee, kada nasaun membru g7+ sei difine sira nia kritériu atu halo selesaun ba estudante nasaun membru sira, neebe iha vontade no matenek bele aplay vaga estudu iha Universidade Waseda Japaun.

Nunee mos, Vise Prezidente Waseda University, Masahiko Gemma deklara, sira sente onderadu tebes atu simu estudante nasaun membru g7+ nuudar pasu pozitivu hodi promove kualidade edukasaun, no fahe matenek husi dosente universidade ba estudante sira.

“Waseda University prontu atu simu estudante nasaun membru g7+ nuudar pasu pozitivu ida, atu promove kualidade edukasaun husi universidade ba ema hotu,” informa Masahiko Gemma iha Universidade Waseda Japaun.

Entretantu, durante vizita ba Japaun, Xanana hato’o mós palestra públiku estudante Universidade Waseda ho tema “Papal Nasaun g7+ Hodi Harii Páz” neebe hetan partisipasaun masimu husi estudante sira neebe halo estudu Kooperaasaun Internasionál Harii Páz (International Cooperation and Peacebulding).

(gui)

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...