Xanana Solidariza Vitima Dezastre Sub Marino Nanggala 402 Iha Indonézia

DILI, STLNEWS.co – Eis lider rezistensia Timor-Leste, Kay Rala Xanana Gusmão hatoo mensajen solidariedade ba povu Indonézia neebe lakon sira nia heroi militár nain 53, ho sub marino Nanggala 402 neebe mout iha loron Kuarta (21/4/2021), hafoin realiza treinamentu iha tasi provinsia Bali-Indonézia.

Liu husi karta komunikadu neebe jornalista STL asesu Tersa (27/04/2021) haktuir, Xanana Gusmão hatoo espresaun sentimentu triste ba governu Indonézia ho nia povu liu-liu familia sira neebe lakon eroi militár Indonézia iha asidente nee.

Xanana hatoo kondelensia nee liu husi karta formál neebe nia rasik hakerek ho asinatura hodi haruka ba Governu Indonézia liu husi Ministra Negosiu Estranjeirus, Retno Lestari Priansari Marsudi.

Karta Komunikadu husi Xanana neebe STL asesu iha Tersa (27/04/2021)

“Hafoin akompana asidente konaba sub marino Nanggala 402 mout ho ema nain 53, hau hakarak hatoo hau nia sentidu kondelensia ba ita boot (Retno Lestari Priansari Marsudi) ba Governu Indonézia liu-liu ba familia vitima sira neebe afeta husi insidente nee,” dehan Xanana liu husi nia karta neebe haruka ba Governu Indonézia.

Eis Presidente Republika Xanana tau esperansa boot ba ekipa Governu Indonézia atu buka tuir lalais vitima sira. Eis Primeiru Ministru nee mos konsidera dezastre neebe militár sira hasoru nuudar triste militár sira iha mundu tomak.

Sub Marino Nanggala 402, nuudar sub marino segundu estadu Indonézia nian neebe sosa iha tinan 1981 iha fabrika nasaun Alemaña Howaldt Deutsche Werke (HDW) Kiel Alemaña 1977 ho modelu U-209/1300 ho nia naruk metru 59,5.

Sub marino nee ho todan tonelada 1.395 ho membru 50 no halai ho velosidade 25 knoot xefia husi Komandante KRI Nanggala 402, Letkol Heri Oktavian ho membru 53 mate, hafoin mout iha tasi laran ho distansia metru 838.

Iha parte seluk, relasiona ho karta sentimentu solidariedade nee, Xanana mos hetan resposta husi Ministra Negosiu Estranjeirus Indonezia, hodi hatoo agradese ba Xanana no povu Timor Leste neebe hatoo sentidus pezame ba povu Indonezia.*

Reportajen: Guilermina Franco
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: