Akontesimentu Iha Rotunda Vila Nova, ADSF Hetan Sona

BAUCAU, STLNEWS.co – Iha loron 11 fulan Setembru 2021, maiz ou menus tuku 5 lorokraik, akontesimentu iha Rotunda Vila Nova, Baucau, joven ida ho inisial ADSF hetan kanek iha parte ulun tanba sona ho tudik.

Lia hirak nee hato’o husi parte Servisu Mediku Jeral i Servisu Emerjensia, Bazilia dos Santos Freitas, ba STL iha nia knaar fatin HoREX Baucaun, Sabadu kalan (11/09/2021)

Nia informa, kronolojia akontesimentu nee iha Rotunda Vila Nova, Baucau, maiz ou menus tuku 5 lorokraik, iha ema sona malu hodi rezulta joven ida ho inisial ADSF, idade 24, hetan kanek iha parte ulun sorin karuk, tanba hetan sona.

Joven inisial ADSF nia kanek nakles naruk 5 cm no luan 3 cm, tudik fatin tama laran 4 cm, kostura pontu 7.

Medika esplika, husi kanek nee la fo ameasa grave ruma ba pasiente nia ulun, tanba tudik fatin tama ba laran la kona urat ulun nian.

“Sona ho tudik entaun nakles deit kona iha nia ulun nia isin deit, la duun grave ida,” dehan medika nee.

Nia hatutan, tuir doutor espesialista neebe mak atende pasiente nee, haruka pasiente deskansa iha sala emerjensia durante oras 12 nia laran.

Tuir informasaun neebe mak STL hetan husi parte seguransa Polisia Nasional Timor Lorosae (PNTL), eskuadra Postu Administrativu Baucau Vila, Munisipiu Baucau, depois akontese joven nain tolu (3) ba hato’o keixa iha eskuadra PNTL Vila Antiga, depois de hato’o keixa remata, PNTL eskuadra Vila Antiga kontinua lori joven nain tolu ba HoREX Baucau hodi fo tratamentu ba joven ida seluk ho inisial EDS, idade 20, tanba joven nee mos hetan kanek iha parte rentos.*

Reportajen: Tomas Reis
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: