Arguidu Arepende Hahalok

Liu husi prosesu alegasaun ba kazu Violensia Domestika (VD) laen baku fen. Ministeriu Publiku (MP) solisita ba tribunal singular, aplika pena prizaun fulan 6. Suspende tinan 1 ba arguidu ho inisial JCL hanesan laen, tanba halo agresaun ba lezada ho inisial CVCS hanesan fen. (Foto: Google)

DILI, STLNEWS.co – Arguidu ho inisial JN, hatudu hahalok arependementu iha tribunal bainhira komete krime Violensia Domestika hasoru lezada MS nuudar fen.

Arguidu JN rekonese, nian hahalok neebe komete hasoru lezada nee krime. Tanba nee, arguidu deklara katak ba futuru nian lahalo tan krime hanesan hasoru lezada MS nuudar fen.

Tanba haree ba arguidu nian hahalo arependementu nian sala, lezada fo perdaun kedas ba arguidu nuudar laen.
Tuir faktus katak, arguidu ho lezada neebe moris hanesan fen-laen husi tinan 2013, husi sira nia moris hamutuk hetan oan nain 3. Iha loron 13 fulan Marsu 2019, iha Suku Bemori, arguidu simu telefone husi lezada katak atu ba tula lezada iha Becora, tanba foin fila hosi Baucau.

Nunee arguidu mos ho motor ba tula lezada, iha dalan arguidu ho lezada deskuti malu nafatin, too area Lecidere, arguidu para motor tun basa lezada husi parte hasan karuk dala rua, basa tan hasan sorin dala-2.

Konsekuensia hosi hahalok nee, halo lezada sente moras iha hasan no bubu.
Tanba nee Ministeriu Publiku, nuudar nain ba asaun penal, akuza arguidu ba krime ofensas integridade fizika simples agrava ho lei Violensia Domestika neeebe hatur iha artigu 145 husi lei kodigu penal Timor Leste.

Ho faktu sira nee, kuandu tribunal haree arguidu ho lezada konfirma faktu loloos, Ministeriu Publiku submete iha alegasaun husu atu kondena arguidu ho pena ida neebe adekuadu liu.

Parte defeza kontinia defende arguidu, tanba haree ba arguidu nia arependementu iha tribunal.

Rona tiha husi parte rua, tribunal adia ba loron seluk hodi rona desizaun.

Audiensia nee prezidi hosi juiz prosesu, Afonso Carmona, parte Ministeriu publiku reprezente prokurador titular nain ida no defeza subtitui hosi pesoal lisensiadu direitu nain ida.*

Reportajen: Terezinha de Jesus
Editor: Ekipa STL

LEAVE A REPLY

Please enter your comment!
Please enter your name here