Asaltu Malu Iha Manatuto, Oknum PNTL Ida Hetan Kanek

DILI, STLNEWS.co – Portavoz Komando Jeral Polisia Nasional Timor Leste (PNTL), Superintendente Xefe Arnaldo Araujo informa, iha loron 11 fulan Maiu 2021, akontesimentu ida asaltu malu entre grupu ho grupu, rezulta membru PNTL ida hetan kanek iha Postu Administrativu Laleia, Munisipiu Manatuto.

“Asaltu malu entre grupu ho grupu, horikalan iha loron 11 Maiu 2021, iha Munisipiu Manatuto, Postu Administrativu Laleia, neebe rezulta membru PNTL ida hetan kanek, tanba tuda husi sidadaun sira,” dehan Superintendente Xefe, Arnaldo ba jornalista sira, liu husi konferensia imprensa iha nia knaar fatin Caicoli, Dili Kuarta (12/05/2021).

Nia dehan, oras nee Komando Munipsiu Manatuto sei buka hela suspeitu sira nee hodi halo prosesu investigasaun.“

Kazu barak neebe mosu iha ita nia rai primeiru ita hatene katak, joven sira agora nee ho sira nia emosional, i barak mak la rona malu, nee mak mosu baku malu i tuda malu, ida nee hodi akontese bebeik iha rai laran nee.

Tanba nee nia husu ba sidadaun nomos joven sira hotu hotu atu tuur hamutuk hodi fo liman ba malu, nunee bele hases aan husi moras ida nee.

Portavoz Komando Jeral nee akresenta, problema sira sempre mosu bebeik iha rai laran nee, maske nunee ho durasaun serka sanitaria no estadu emerjensia neebe implementa, maibe sira nafatin halao sira nia knaar, no sei la ignora servisu PNTL atu kontinua promove kondisaun seguransa, nunee bele prevene kriminalidade iha rai laran.

“Krime sira neebe akontese iha Timor laran tomak, neebe PNTL hatama ona ba iha Ministeriu Publiku mak hanesan, asaltu malu entre grupus, violensia seksual, violensia domestika, danu ka estragu propriedade,” hakotu nia.

Aleinde nee nia hatutan, Polisia Nasional Timor Leste, kontinua apoiu Ministeriu Saude, hodi dezamina informasaun kona ba inimigu invizivel, corona virus (COVID-19) ba populasaun hotu.

Fo avizu nafatin ba populasaun hotu katak, kumpre regras OMS nian, fiskaliza nafatin, ba fatin sira neebe proividu atu halo aktividade komersiu tuir rezolusaun governu (55/2021).

“Husu ita hotu atu tuir ezame mediku, obrigatoriu kuandu ita hadomi ita nia familia,” hakotu nia.*

Reportajen: Efizenia da Costa
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP2

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 2: Drama Stop Bullying https://youtu.be/GDfSwKsB-gQ • Mental Health https://youtu.be/Ow3-hgXPryE Ministério dos Assuntos Parlamentares...

Harii Federasaun Tenke Prepara Kondisaun

DILI, STLNEWS.co - Sekretariu Estadu Juventude No Desportu (SEJD), hatete harii federasaun tenke prepara mos kondisaun hanesan tenke iha atleta no treinador rasik. Lia hirak...

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...
%d bloggers like this: