Asaltu Malu Iha Surikmas, Rezulta Kareta PNTL Hetan Estragus

DILI, STLNEWS.co – Iha loron 08 fulan Maiu 2021, maizumenus oras tuku 10:00, akontese kazu insidente asaltu malu entre joven sira ho grupu iha bairru laran, rezulta kareta PNTL ida nomos kareta komunidade nian ida hetan estragus.

Portavoz Komando Jeral Polisia Nasional Timor-Leste (PNTL), Superintendente Xefe Arnaldo Araujo, hatoo kestaun nee ba jornalista sira liu husi konferensia imprensa iha nia knaar fatin Caicoli Dili, Segunda (10/05/2021).

Nia dehan, iha dia 08 fulan Maiu tinan nee iha kalan maizumenus oras tuku 10:00 iha area Surikmas, Aldeia Haburas, akontese entre grupu rua asaltu malu entre grupu iha bairru laran.

“Akontesimentu nee rezulta kareta polisia ida hetan estragus, nomos kareta estadu ida mos hetan estragus hotu,” dehan nia.

Ho hahalok nee asaun polisia nian konsege kaer duni suspeitu nain 3, hodi kedas ba iha sela detensaun polisia Dili, tanba iha momentu neeba iha kedas fragantes de eleito nee maka lori kedas sira nain 3 ba hatama iha sela.

Nia hatete, horseik nee nain ida mos ba aprezenta rasik ninia aan ba iha PNTL hodi husu mandate ba iha tribunal nunee bele lao tuir prosesu.

“Tanba nee ida foin mai aprezenta an horseik, tanba nee Polisia Nasional Timor Leste sei husu mandatu ba iha tribunal atu bele sai ho nia hodi bele hetan prosesu tuir mai,” hakotu nia.

Nia hatutan, suspeitu nain haat nee ho naran inisial DAB, BG, GMB, LCG. No agora dadauk polisia halo hela prosesu investigasaun ba sira nain 4.*

Reportajen: Efizenia da Costa
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

MEJD Planu Sei Harii Tan Eskola

DILI, STLNEWS.co - Ministru Edukasaun, Juventude, no Desportu (MEJD), Armindo Maia hateten, tinan nee governu liu husi MEJD sei harii tan eskola hamutuk 250...

Aimoruk La Too, Komunidade Buruma Balun La Vasina

BAUCAU, STLNEWS.co - Komunidade iha Suku Buruma antusiasmu tebes atu simu vasina kontra Covid-19, maibe aimoruk la sufisiente, nunee balun deit mak simu vasina...

Reativa Eskola Iha Baucau Sei Marka Audensia Ho MEJD

BAUCAU, STLNEWS.co - Diretor Servisu Munisipal Edukasaun, Juventude, no Desportu (SMEJD) Baucau, Segunda semana oin sei marka audensia ho Ministeriu Edukasaun, Juventude, no Despostu...
%d bloggers like this: