Komete Krime Furtu, CCTV Deteta

DILI, STLNEWS.co – Tribunal Distrital Dili (TDD) iha loron Kuarta (06/10/2021), kontinua rona sasin ba krime furtu agravadu, neebe deskonfia komete husi arguidu inisial JJ hasoru lezadu ho insial WYL.

Tuir faktus katak, iha loron 16 fulan Junu tinan 2018, haleu oras tuku 01:00 kalan, lezadu ba asiste jogu mundial entre nasaun Maroco ho Iran, iha nia kolega Edward nia uma iha Hudi laran, no asiste hotu nia fila ba nia uma iha Delta 1.

To’o iha Elemloi, iha motorizada ida ultrapasa, lezadu halai ses no roda sorin karuk kona trotoar, no kareta avaria estarta la moris. La kleur ema barak hakbesik ba lezadu nia kareta, dere vidru odamatan kareta, no obriga lezadu atu tuun husi kareta. No lezadu tuun hamriik ses tiha, joven sira nee loke lezadu nia kareta odamatan, no buka saida mak iha lezadu nia kareta laran, Maibe lezadu la hatene sira buka saida. Lezadu kontaktu ba nia kolega Edward to’o mai, hodi ajuda haree lezadu nia pasta, maibe pasta la iha ona, tanba nee mak iha dadersan, lezadu ba hato’o keixa iha polisia.

Polisia halo kedan intervensaun loke CCTV, hodi haree ema barak neebe ba haree lezadu, iha joven ida naran inisial JJ mak foti lezadu nia pasta kor coklat ida, tau iha bolanti nia okos.

Iha loron 18 fulan Junu tinan 2018, iha oras tuku 10:00 polisia halo detensaun ba arguidu, hodi ba loke kamera CCTV konaba akontesimentu iha Elemloi nee, haree tiha CCTV nee arguidu deklara, loos duni nia mak foti sasan no pasta iha kareta laran, no entrega nia kolega ida lao ses tiha.

Iha pasta nee nia laran, iha karteira ida ho osan US$ 6.400, osan rupiah RP 1.250.000 osan am ringit 1.150 no telemovel ida, pasaporte nomos osan moeda neebe la apuradu.

Konsekuensia husi arguidu nia hahalok nee, Ministeriu Publiku akuza arguidu ba iha krime furtu agravado, neebe previstu iha artigu 252 husi kodigu penal.

Iha sala julgamentu lezadu WYL katak, iha loron 16 fulan Jullu tinan 2018, nia ba nonton tiha, bolu iha nia kolega sira, depois remata nia atu fila ba nia uma. Lezadu dehan, to’o iha Elemloi, nia kareta soke tembok, ema barak mak ba haree, iha ema balu tuku kareta tarutu, halo lezadu tauk hodi tuun tiha husi kareta.

Depois lezadu kontaktu ba nia kolega hodi mai ajuda lezadu, maibe nia kolega to’o mai, ba loke kareta odamatan no haree pasta neebe iha kareta laran la iha ona. Tanba nee mak lezadu deiside, iha dader ba hato’o keixa iha polisia.

Lezadu konfesa tan, la iha ema ida mak ajuda nia, no sasan neebe tau iha pasta laran ema foti nee, iha osan, telefone. Lezadu deklara tan, nia konese arguidu husi CCTV neebe nia haree nee.

Lezadu rekonese, nia konduz kareta ho velosidade la makaas, nomos momentu neeba sasin la lanu.

Audensia julgamentu nee, prezide husi juiz kolektivu, Jose Gonsalves, Alvaro Freitas, Arjentino Nunes, Ministeriu Publiku reprezenta husi Prokurador Jasinto Babo, arguidu hetan asistensia legal husi Advogadu Privadu Octavio da Costa.* Notisia Kompletu Lee iha jornal STL edisaun Kinta (07/10/2021).

Reportajen: Terezinha De Deus

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...