Atake Malu Iha Uailili Nain 3 Tama Ospital

BAUCAU, STLNEWS.co – Iha loron 11 fulan Outubru tinan 2021 nee, joven husi Afagua Leten atake joven sira iha Afagua Kraik to’o nain tolu kanek tama ospital, dadaun nee nain rua sai ona husi ospital, enkuantu ida seluk kontinua halo tratamentu, akontese nee iha Aldeia Afagua, Suku Uailili, Postu Baucau Vila, Munisipiu Baucau.

Lia hirak nee hato’o husi Xefe Aldeia Afagua, Suku Ualili, Marçal da Costa ba STL iha nia rezidensia Aldeia Afagua, Kinta nee (14/10/2021).

Nia haktuir, akontesimentu nee iha loron 11 fulan Outubru tinan 2021 nee, komunidade husi Aldeia Afagua Leten ba kado ai uma nian, iha tempu loraik bainhira fila husi fatin kado ai nian, tula ho ai sira neebe mak sira ba kado nee, ba hatun hela iha fatin refere, depois fila husi Afagua Leten mak atake fali joven sira iha Afagua Kraik.

Bainhira problema nee mosu, Polisia OPS konsege hakalma tiha situasaun nee, hodi joven sira husi parte Afagua Leten no Kraik hakmatek tiha, maibe iha tuku 3 madrugada kontinua ataka malu to’o nain tolu kanek.

“Iha akontese nee mate laiha, maibe grave mak iha, nain ida, nain rua kanek natoon neebe sai tiha ona,” dehan nia.

Nia hatutan, hanesan Xefe Aldeia iha fatin refere, nia parte la hatene motivu husi akontese nee, maibe realidade neebe mak sira akompana iha fatin nee, grupu arte marsiais mak atake malu.

Husi nee jornalista STL tenta halo konfirmasaun ho Xefe Suku Ualili, maibe nia parte la bele fo komentariu ruma, hatete deit mak problema nee entrega ona ba parte autoridade seguransa nia liman.

Nunee tenta halo konfirmasaun ba komadante komandu Polisia Nasional Timor Leste (PNTL) Munisipiu Baucau, hatan ba asuntu nee, kazu dadaun rejistu ona iha Ministeiru Publiku, hein atu tuir primeiru interogatoriu, nunee la fo komentariu.*

Reportajen: Tomas Reis

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...