Baku, Sona No Estragus Sasan, YSFL Ameasa Prizaun 12

DILI, STLNEWS.co Ministeriu Publiku liu husi nia alegasaun final, solisita ba iha tribunal kolektivu, atu aplika pena prizaun tinan 12 ba arguidu inisial YSFL no arguidu inisil EFS, prokurador solisita ba tribunal husu atu limita nia atividade.

Iha alegasaun loron Segunda horiseik (27/08/2021), Ministeriu Publiku mantein ho akuzasaun ne’ebé iha, tanba ne’e husu tribunal atu kondena arguidu ida, no limite arguidu ida seluk nia atividade ka fo pena ne’ebé adekuadu ba nia.

Enkuantu husi parte defeza nian haree katak, akuzasaun ne’ebé iha, la iha evidensia ne’ebé forte, tanba ne’e defeza husu tribunal atu aplika pena ne’ebé adekuadu ba arguidu inisial YSFL, no absolve arguidu inisial EFS.

Rona tiha husi parte rua ne’e, tribunal deside adia ba loron 21 fulan Outubru, hodi rona desizaun ikus husi tribunal.

Tuir faktus katak iha tinan 2019, lezadu inisial ALC nuudar Diretor Kompania Nagarjo unipessoal Lda.

Iha loron 16 fulan Agostu tinan 2019, liu husi desizaun Tribunal Distrital Dili, hodi julga prosidente no mantein desizaun ba objetu referidu ba lezadu.

Bazeia ba desizaun ne’e, iha loron 20 fulan Agostu tinan 2019 tuku 6:00 OTL, lezadu haruka nia funsionariu sira hanesan Gaudencio, Pedro Graciano, Feliz da Costa no Pedro atu dezloka ba iha fatin refere uza kareta marka HI-LUX SERF nia matrikula 14-880 TL.

Too iha neeba, tama iha laran, la kleur arguidu inisial YSFL ho arguidu inisial EFS ho ema barak deskonese ba iha fatin akontesimentu.

Arguidu inisial YSFL baku iha lezadu Feliz nia kabas sorin karuk no kanotak sorin los, arguidu ida seluk hodi tudik sona lezadu Feliz nia liman parte karuk hetan kanek no ran sai barak.

Arguidu sira baku rahun kareta ida ho marka Hilux Surf marikula 14. 880 T1, kareta refere lezadu hola ho folin US$ 28. 000.

Iha loron 5 fulan Fevereiru tinan 2020 tuku 10:00, arguidu nain rua mos komete krime dezovidensia ba Nuc 0385.

Arguidu sira estraga sasan ho nia folin kada bomba mina ida US$ 6000 total US$ 1200 no taka hodi rai henek ba bomba mina ne’e.  Tanke mina Gazoel ho kapasidade 8 litru ida faan iha 3000 hetan estragu 5000 litru, ho kada folin US$ 4250 no tanke mina Gazolina, kapasidade 7000,  estraga 5000 litru no hetan estragu litru 2000 ho folin US$ 1. 800 sasan hanesan bomba mina rua.

Sasan iha eskritoriu hanesan komputer ida, printer ida ho nia folin US$ 6.5000, jerador ida ho nia folin US$ 1500, no meja ida no sasan sira seluk. Ho nia valor US$ 250, nune’e nia total prejuizu ne’ebé lezadu sofre hamutuk US$ 50.000, ne’e la sura (22,000 total inklui incoming se lezadu faan mina loron – loron).

Iha loron 20 fulan Agostu tinan 2019, to ohin loron tinan ida (1) fulan lima, lezadu hetan prejuizu boot hamutuk ho nia funsionariu sira ne’ebé servisu iha bomba mina ne’e, ho total US$ 89.250.00.

Audensia julgamentu ne’e prezide husi Juiz Koletivu Argentino Luiza Nunes, Alvaro Maria Freitas, Jose Gonçalves, Ministeriu Publiku reprezenta  husi Prokurador Domingos Barreto, no arguidu sira hetan asistensia legal husi Advogadu Privadu.*

Reportajen: Terezinha De Deus

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...