Dadur Estranjeiru 11 Iha Prizaun Becora

Ministeriu Publiku liu husi alegasaun final, husu ba iha Tribunal atu aplika pena prizaun tinan rua, suspende tinan rua ba arguidu CL hanesan sidadaun Xina. (Foto Ilustrasaun: GSE)

DILI, STLNEWS.co – Prizaun Becora laos tau deit dadur Timoroan sira, maibe tau mos dadur estranjeiru neebe kumpri hela medida no sentensa neebe mai husi Tribunal.

Kestaun nee hatoo husi Diretor Prizaun Bekora, Joao Domingos ba STL, via telefone, Segunda (14/12/2020).

“Dadur sidadaun estranjeiru iha sanulu resin ida, husi Indonezia nain neen, Chinesa nain rua, Fhilipina nain ida, Australia nain ida no Vietnam nain ida,” dehan Joao.

Nia hatutan, dadur sira nee agora iha prizaun Becora no sira nee komete krime droga, burla, no homesidu.

Joao esplika dadur neebe hetan kondenasaun iha prizaun Bekora nee, iha dadur nain haat mak hetan sira nia kondenasaun too tinan 30 iha prizaun, tanba komete krime Homesidu.

Hatan konaba dadur balu neebe hetan liberdade kondisional nia parte hatete, ida nee nia parte seidauk bele fo komentariu, depois de iha loron 30 ikus husi fulan nee, bele fo sai konaba ida nee, iha relatoriu.

Tuir observasaun STL nian, sidadaun estranjeiru neebe agora dadaun iha prizaun, inklui mos sidadaun nain rua, neebe foin lalais iha prosesu primera interogatoriu, Tribunal aplika medida prizaun preventiva, ligadu ho prosesu ligasaun internet ilegal.

Nunee mos iha prosesu ida, kona ba fo titipan ba kazal Timor oan nain rua lori ba Atambua, ikus mai sidadaun estranjeiru nee mos hetan kondenasaun prizaun tinan lima iha prizaun Bekora.

Reportajen: Terezinha de Deus
Editor: Ekipa STL

LEAVE A REPLY

Please enter your comment!
Please enter your name here