Deskonfia Aman Halo Violasaun Seksual Ba Oan Rasik

Tribunal Distrital Dili liu husi nia despaisu ikus ba prosesu primeru interogatoriu, aplika medida prizaun preventiva ba arguidu ho inisial SA, hanesan aman rasik neebe deskonfia halo violasaun seksual ba oan feto rasik.

DÍLI, STLNEWS.co – Tribunal Distrital Dili liu husi nia despaisu ikus ba prosesu primeru interogatoriu, aplika medida prizaun preventiva ba arguidu ho inisial SA, hanesan aman rasik neebe deskonfia halo violasaun seksual ba oan feto rasik.

Iha prosesu primeiru interogatoriu nee taka ba iha publiku, maibe husi parte Ministeriu Publiku nian, promove arguidu ba iha krime violasaun seksual, tentativa homesidu, no arma branca.
Iha despaisu ikus nee, Tribunal aplika medida prizaun preventiva ba arguidu, no arguidu ba kedan iha prizaun Bekora.

Hafoin tTibunal hatun tiha despaisu, tuir Defeza arguidu nian Humberto Alves katak, tribunal aplika medida nee hare ba indisus balu neebe iha.

“Tribunal aplika medida prizaun preventiva ba iha arguidu, tanba arguidu halo violasaun seksual ba nia oan rasik, no tuir arguidu nia deklarasaun lezada rasik maka hakarak, no lezada laos minoridade, dehan Humberto ba STL iha TDD, Kuarta (14/10/2020).

Nia esplika Tribunal entende katak sira hela hamutuk, no arguidu presta tiha deklarasaun iha polisia, fila ba uma ameasa nia fen no oan, Tribunal hare sira nee hotu mak ikus mai aplika medida prizaun preventiva ba iha arguidu nee.

Defeza nee dehan, nia parte sei halo rekursu tuir prazu neebe iha, tanba hare katak laos arguidu maka koalia uluk ba lezada, maibe lezada maka husu uluk ba arguidu.

Tuir kronolojia katak, akontesementu nee akontese iha Lahane Oriental, iha loron 10 fulan nee nia laran, arguidu nia fen ba tiha iha tos, no arguidu no lezada mesak, lezada husu osan ba arguidu no arguidu fo tiha osan ba lezada, maka sira rua foin halo relasaun.

No bainhira arguidu nia fen fila husi toos, lezada foin konta tuir ba arguidu nia fen.

Prosesu primeiru interogatoriu nee, prezide husi Juiz titular Joao Ribeiro, Ministeriu Publiku reprezenta husi Prokurador Renato Bere Nahac, arguidu hetan asistensia legal husi Defensor Publiku Humberto Alves.

Reportajen: Terezinha de Deus
Editora: Carme Ximenes

LEAVE A REPLY

Please enter your comment!
Please enter your name here