Deskonfia AS Oho Nia Fen Rosantina

DILI, STLNEWS.co – Maizumenus tuku 12:45 OTL kalan hamosu kazu omesidu neebe deskonfia laen ho inisial AS neebe oho mate nia fen Rosantina dos Santos ho idade 43, neebe hanesan membru Polisia Nasional Timor Leste (PNTL) ho deviza Primeira Sarjentu neebe hela iha Aldeia Anin-Fuik, Suku Madohi, Postu Administrativu Dom Aleixo, Munisipiu Dili.

Tuir Amandia Matus Ximenes Pereira, nuudar alin husi matebian konta tuir kronolojia katak, konaba kazu omesidu neebe akontese laen oho nia fen rasik nee, maizumenus tuku 4:00 OTL hanesan nee matebian Rosantina dos Santos iha servisu fatin telefone, hakerek nia SDSB, depois servisu sai mak selu.

“Matebian fila husi servisu ba buka hau iha uma, maizumenus tuku 9 ho balun maibe hau laiha uma, hau ba tur hela iha vizinu nian uma, bin matebian nee inbox hau dehan hau iha uma ona, entaun hau sae ba uma maizumenus tuku 10 ho balun ona, hau sae mai uma bin sira hemu hela kafe, entaun hau mos hamutuk ho sira iha baranda komentar hanesan bai-bain, bin mos gabung ho ami, depois nia dehan sente isin moras, entaun nia haruka alin feto ida dudu ka komu nia isin, entaun bin tama ba uma laran hodi komu isin, la kleur suspeitu nee tun mai, hamrik iha uma oin estrada nee dehan, Atay nia ama iha ka lae. Hau hatan iha nee hela, koalia hanesan nee la kleur nia fila tiha deit, depois lakleur tan 10 minutu hanesan nee, bin sai husi uma laran hau dehan fo bin, maun ohin mai iha nee, neebe maun ami hasee hodi hemu kafe ou fuma sigaru mos nia lakohi,” Amandia konta hikas ba jornalista sira iha sala Mortoariu HNGV, Kuarta (07/07/2021).

Nia hatutan, depois fo hatene ba matebian katak nia kaben buka, matebian hatan hodi dehan, “ohin nia foti nomor foun hodi telfone hau, hau hatan duni, maibe hau rona ba nia lian entaun hau taka mate liu telfone,”.

Depois ida nee, Rosantina sai mai hamriik iha baranda oin maizumenus minutu 20 hanesan nee, ho nia oan tuir nia kaben ba uma.

“Too iha uma la too 30 menit hanesan nee, nia oan mane nee halai tun fali mai dehan, ama kiik lalais ba uma lai, apa sona kuak tiha ama, entaun hau halai sae ba hau telfone ninia kunhada boot, hau dehan bin tesik mai lalais, tanba hau feto mesak hau labele, hau tama ba mais hau mos trauma, hau tama ba bin latan hela iha odamatan hanesan fahi loos, tanba hau haree matebian toba ho ran deit,” nia dehan.

Iha akontesementu nee ema laiha iha uma, matebian ho nia laen ho oan mesak iha neeba, tanba nee nia hakilar bolu joven sira iha bairro laran, joven sira iha neeba mak ajuda hodi kous ba kareta laran hodi ba Sentru Saude Comoro para salva nia vida, seidauk too iha neeba matebian antes nee iis laiha tiha ona.

“Hau hakilar husu ajuda ba joven sira iha neeba hodi ajuda kous matebain sai mai, hau mesak kous bin matebain nee labele, entaun joven sira iha neeba hamutuk kous sai matebian hodi tau ba kareta laran lori ba Sentru Saude Comoro, maibe iis laiha tiha ona,” nia informa.

Entretantu Diretora Ezekutivu Organizasaun Movimento Feto Foinsae Timor-Leste, Yasinta Lujina dehan, situasaun violensia hasoru feto, iha tinan kotuk nian too ohin loron sai seriu liu tan.

“Mai tinan nee ita iha kazu hirak neebe maka iha Dili, nomos akontese iha munisipiu, neebe mak teb-tebes atu hamate ita nia maluk sira nian vida, no ida nee sai hanesan seriu ida ba ita, lolos ita hanoin katak lisaun boot ba ema hotu-hotu, tanba ita nia luta atu hapara violensia nunka remata,” nia tenik.

Tanba iha situasaun pendemia surtu Covid-19 ida nee, iha kondisaun balun neebe kontribui makas, ba iha akontesementu violensia kontra feto, sai todan no aumenta tan numeru sira nee.*

Reportajen: Jeniche da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: