Deskonfia Ba Diskoteka, APBG Raut VSCS

DILI – Arguidu ho inisial APBG membru Corpu Seguransa Pessoal (CSP) raut lezada ho inisial VSCS, tamba arguidu deskonfia lezada ba iha diskoteka kuandu arguidu ba serbisu hodi eskoltu maun Xanana nian.

Tuir akuzasaun husi Ministeriu Publiku neebe mak Tribunal katak arguidu ho inisial APBG alias Bobi ho lezada ho inisial VSCS hola malu nuudar fen ho laen desde tinan 2013, no iha oan feto nain ida (1). Katak iha loron 1 fulan Abril tinan 2016, iha festa prenda ida neebe halo besik arguidu ho lezada nia uma iha Fomentu I.

Iha kalan nee tuku 02 madrugada, lezada ninia kolega ida ho iniasial Z ba husu ka kumprimenta lezada, maibe arguidu hare ida nee ho oin boot. Tuir mai, arguidu direitamente hakat besik ba iha lezada hodi rasta lezada husi kadeira no kaer metin tiha iha lezada nia liman foin dudu lezada, nunee lezada monu kedas ba rai halo lezada nia liman senti moras.

Arguidu mos hateten ba lezada dehan o puta nee nusa. Tamba nee lezada mos senti moe tamba iha ema barak nia oin, no hatan fali ba arguidu dehan hau puta, puta ba o. Hotu iha akontesimentu nee, arguidu ho lezadu sai husi tenda laran ba liur, depois sira fila ba uma. Maibe, tuir dalan atu ba uma, arguidu trata lezada ho maldade too iha iha sira nia uma.

Husi arguidu nia hahalok sira nee, halo lezada senti tauk no trauma too agora. Konsekuensia direita no nesesariu husi arguidu APGB alias Bobi hakarak ho do dolu direta, hodi liman no ain tuku no tebe hasoru, desde tinan 2014, Janeiru 2016, mesmu lezada la ba keixa. Domingos Piedade Freitas

 

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...