Deskonfia Funsionariu PDHJ Ida, Komete Krime Kontra Bandu

DILI, STLNEWS.co – Tribunal Distrital Dili (TDD) iha loron Segunda nee (04/10/2021), halao primeiru julgamentu ba funsionariu Provedoria ba Direitus Umanus no Justisa (PDHJ) ho inisial MNP, neebe deskonfia komete krime kontra bandu.

Krime nee previstu iha artigu 316 husi kodigu penal, iha alina 1 mensiona katak, ema neebe la halo liu husi alfandega, ka husi kontrola seluk bele hetan pena prizaun tinan 2 to’o 6 ka multa.

Tuir faktus katak, iha loron no fulan la apuradu, maibe iha tinan 2018 Polisia intelijénsia hetan informasaun katak, arguidu faan uniforme no atributu farda militar F-FDTL no PNTL iha nia rezidensia kampu Baru Comoro, depois de informasaun husi Polisia intelijénsia, polisia sira diretamente ba arguidu nia uma, hodi konfirma informasaun ida nee.

Depois iha loron 16 fulan Fevereiru tinan 2018 ba arguidu nia uma, hodi halo mediatamente.

Arguidu mos la iha autorizasaun husi Alfandega para atu hatama sasan importasaun, hodi faan uniforme atributu militar F-FDTL no PNTL.

Arguidu nuudar autor konsumada ba krime kontra bandu previstu iha artigu 316 kodigu penal.

Hatan ba faktus nee, arguidu deklara katak, faktus  balun loos no balun lalos.

Arguidu konfesa, los duni arguidu faan uniforme atributu  Militar F-FDTL no PNTL nian, iha momentu neeba polisia halo buska aprensaun iha uma no hetan duni sasan hirak nee.

Tribunal rona tiha arguidu nia deklarasaun, tribunal deside adia hikas julgamentu nee ba fali iha loron 18 fulan ida nee, iha oras  tuku 2:00 loraik hodi rona sasin sira.

Audensia julgamentu nee prezide husi juiz kolektivu Argentino Luiza Nunes, Jose Gonsalves, Alvaro Maria Freitas, arguidu hetan asistensia legal husi Defensor Publiku Manuel Expostu.* Notisia kompletu Lee iha jornal STL edisaun Tersa (05/10/2021).

Reportajen: Terezinha De Deus

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...