Diskute Malu Tan Telefone, Feen Lori Laen To’o Tribunal

DILI, STLNEWS.co – Arguidu ho inisial JS hanesan laen tenke hatan iha tribunal, tanba halo agresaun hasoru lezada ho inisial RA hanesan feen.

Motivu husi problema nee, tanba deit diskute malu telefone neebe arguidu uza, simu fali kontaktu husi feto seluk neebe durante nee lezada deskonfia ba arguidu.

Husi arguidu nia hahalok nee, Ministeriu Publiku akuza arguidu ba iha krime violensia domestika ho forma ofensa integridade fisika simples, neebe previstu iha artigu 145 husi Kodigu Penal Timor Leste.

Iha sala julgamentu laran arguidu deklara faktus, neebe konsta iha akuzasaun katak, loron akontesimentu iha loron 2 fulan Setembru tinan 2020 iha Ermera nee loos.

Arguidu konfesa tan, momentu neeba arguidu ba selu tiha osan debe neebe lezada foti, tanba nee arguidu ba selu iha fatin dook, no kalan ona nia toba iha neeba dader mak fila mai uma.

Arguidu fila mai uma dader lezada hirus kedan arguidu, iha mos feto ida neebe telefone mai arguidu, tanba nee lezada atu hadau telefone neebe arguidu uza nee.

Arguidu konfesa tan, iha momentu neeba sira rua diskute malu, arguidu tuku lezada nia kotuk laran dala ida, maibe konaba lezada nia ain neebe ran, nia halai sai ba liur mak ai fera, no arguidu mos la rasta lezada, maibe lezada mak halai haleu uma.

Iha fatin hanesan, lezada haforsa tan akuzasaun katak, arguidu tuku duni lezada, no motivu husi problema nee tan deit telefone.

Lezada dehan, feto neebe deskonfia ho arguidu sira hela vizinu, momentu problema nee feto nee mos halai mai baku hotu lezada.

Rona tiha deklarasaun husi parte rua, la iha tan testamuna ruma, tanba nee tribunal husu ba iha MP atu tama ba iha alegasaun final.

Liu husi alegasaun, husi parte MP nian haree katak, arguidu konfesa integral ba faktus, no prienxe duni artigu neebe MP akuza ba, no nia kastigu husi loron 30 to’o tinan 3 ka selu multa, tanba nee MP rekere ba iha tribunal atu kondena arguidu ho pena multa taxa diaria 50 sentavos, ba loron sia nulu (90).

Enkuantu husi parte defeza nian haree katak, arguidu arrependimentu, promete sei la halo tan iha futuru, tanba nee husu tribunal aplika pena neebe adekuadu ba iha arguidu.

Rona tiha husi parte rua, tribunal deside adia hikas ba loron 1 fulan Outubru, hodi rona leitura sentensa.

Audensia julgamentu nee prezide husi juiz Singular Afonso Carmona, MP reprezenta husi Prokurador Simiao De Britos, arguidu hetan asistensia legal husi Defensor Publiku Manuel Exposto.*

Reportajen: Terezinha De Deus

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...