Diskute Malu Tanba Labarik, Eis Laen Tebe Eis Fen

DILI, STLNEWS.co – Arguidu ho insial AM hanesan eis laen tenke hatan iha Tribunal, tanba halo agresaun hasoru lezada ho inisial SM hanesan eis fen. Motivu hodi dada malu too iha Tribunal, tanba deit diskute malu kona ba sira nia oan mesak ida.

Tuir faktus neebe Tribunal lee sai iha loron 28/04/2021 katak, iha loron 18 fulan Agustu 2020 iha oras tuku 16:00 loraik, lezada fila husi servisu ba iha uma atu foti labarik, arguidu koalia barak ba lezada. Tanba nee mosu diskusaun, arguidu hodi tebe iha lezada nia isin parte oin, halo lezada sente moras hodi ba hatoo keixa.

Tanba nee Ministeriu Publiku akuza arguidu ba iha krime violensia domestika ho forma ofensa integridade fisika simples, neebe previstu iha artigu 145 husi KP.

Hatan ba faktus nee arguidu deklara katak, balu loos no balu lalos. Arguidu deklara katak, arguidu no lezada fahe malu ona, sira iha oan ida, maibe sira nia oan nee kuandu tempu livre arguidu ba foti lori mai halimar ho nia, no nian inan ba servisu bele husu ajuda arguidu haree hela.

Arguidu deklara, iha momentu akontese problema nee, labarik arguidu ba foti halimar hela ho arguidu, loraik ona arguidu atu lori labarik ba lezada sira nia uma, maibe lezada haruka fali arguidu lori labarik nee ba iha lezada nia madrinha sira.

Tanba nee lori labarik nee too ba, arguidu koalia ba lezada katak, “ohin dehan lori mai iha nee karik, hau la lori labarik nee ba hein o iha neeba.”

Arguidu deklara mosu diskusaun entre arguidu no lezada, tanba nee arguidu lori nia ain tebe bosok lezada, maka lezada lori fali telefone tuda ba iha arguidu nia ulun.

Lezada mos haforsa tan akuzasaun neebe iha katak, arguidu tebe duni lezada nia isin parte oin, lezada sente moras, tanba nee maka lezada ba hatoo keixa. Lezada deklara tan, agora ho arguidu fahe malu ona, no sira tau matan deit ba labarik.

Rona tiha husi parte rua, Tribunal husu ba iha Ministeriu Publiku atu tama ba iha alegasaun. Liu husi alegasaun husi parte Ministeriu Publiku nian, husu ba iha tribunal atu aplika pena multa ba arguidu.

Enkuantu husi parte defeza nian husu ba tribunal atu halo alterasaun kualifikasaun juridika husi krime violensia domestika ba iha krime ofensa resiproka, tanba konsidera katak, iha momentu neeba laos arguidu deit maka baku lezada, maibe sira rua baku malu.

Rona tiha husi parte rua, Tribunal adia hikas ba loron 10 fulan Maiu oras tuku 11:30 hodi rona desizaun. Audensia julgamentu nee prezide husi juiz singular Ivan Suritai, Ministeriu Publiku reprezenta husi prokurador Hernani Rangel, arguidu hetan asistensial legal husi Defensor Publiku.

Reportajen: Terezinha de Deus
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: