Diskute Malu Tanba Rai, MC Hetan Taa

DILI, STLNEWS.CO Arguida ho inisial CC tenke hatan iha tribunal, tanba halo agresaun hasoru lezada ho inisial MC.

Antes atu tama ba iha julgamentu, tribunal haree katak krime neebe akuza ba iha arguida nia natureza semi publiku, lei fo dalan atu bele dada fila.

Tanba nee tribunal tenta halo konsiliasaun ba iha lezada, maibe lezada la aseita atu dada fila krime nee. Tanba nee tribunal deside hodi hakat ba julgamentu.

Tuir faktus katak, iha loron 4 fulan Dezembru tinan 2019, iha Liquisa mosu diskusaun entre arguida no lezada.

Iha diskusaun nee, arguida foti katana, no taa dala ida kona iha lezada nia mata fukun.

Konsekuensia husi hahalok arguida nian nee, halo lezada sente moras hodi ba hato’o keixa iha polisia.

Tanba nee Ministeriu Publiku (MP) akuza arguidu hanesan autor material ba krime ofensa integridade fisika simples, neebe previstu iha artigu 145 husi Kodigu Penal.

Hatan ba faktus nee, arguida deklara katak, motivu husi problema nee tanba rai. Iha momentu neeba lezada no arguida diskute malu hela, lezada maka foti ai baku uluk arguida, tanba nee maka arguida mos atu sata netik, hakfodak katana neebe arguida kaer, kona fali iha lezada nia matan.

Arguida deklara tan, laos arguida maka lori katana taa lezada, maibe sira rua dudu malu maka katana kona.

Lezada dehan, arguida taa duni lezada no suku pontu 10 resin, no agora dadaun mos sei sente moras.

Rona tiha husi lezada no arguida, tribunal husu ba iha MP atu tama ba iha alegasaun.

Audensia julgamentu nee, prezide husi Juiz Singular Jose Gonçalves, MP reprezenta husi Prokurador Osorio de Deus, arguidu hetan asistensia legal husi Defensor Publiku.*

(ter)

LEAVE A REPLY

Please enter your comment!
Please enter your name here

NEWS UPDATE

Xanana Fila Hikas Ona Mai TL Ho Batik

DILI, STLNEWS.co - Hafoin halao viajen ba Japaun ho Portugal, durante semana 3 hodi halao enkontru lubuk ida, no simu honorariu doctorate 2 husi...

Jornalista Iha Filipina Hetan Tiru, Suspeitu Sei Misteriu

DILI, STLNEWS.co – Jornalista ida mate hetan tiru iha Filipina loron Kuarta horiseik (08/12/2022), bazeia ba informasaun husi grupu advokasia fatin neeba. Nia mak Jesus...

Universidade Katolika TL Iha Lasu No Devosaun Boot

DILI, STLNEWS.co – Ohin governu no lider Igreja Katolika hamutuk ho Premeadu Nobel da Paz, Dr. Jose Ramos Horta halo inagurasaun abertura solene Universidade...