Dun Inan Buan, Manuel Han Soku

DILI – Lezadu Manuel Antonio da Silva Viegas simu soku no hetan baku husi arguidu Duarte da Costa no Moises Pereira tamba dun arguida nain rua nia inan buan.

Tuir akuzasaun husi Ministeriu Publiku neebe mak tribunal lee sai katak iha loron 12/02/2017 iha Balide lezadu Manuel Antonio da Silva Viegas atu ba serbisu fatin maibe hasoru arguidu nain rua iha dalan mak hanesan Duarte da Costa no Moises Pereira ho kondisaun lanu no lezadu hare arguidu nain rua atu baku malu.

Tamba nee, mak lezadu ba besik atu sory ka haketak maibe arguidu nain rua kroek fila fali lezadu hodi tuku iha hirus matan no ida seluk baku ho ai 4×6 iha kotuk laran hodi monu ba rai. Tamba nee, konskuensia husi baku nee lezadu nia ruin kotuk ida tohar.

Hatan ba akuzasaun nee tuir arguidu nain rua katak akuzasaun nee los hotu. Momentu neeba arguidu nain rua baku lezadu tamba lezadu rasik mak dehan ba Esperansa nuuda inan ida dehan fila fali buan manas no ai-klak manas. Tamba nee, mak arguidu nain rua sente nervozu no moe hodi baku lezadu.

Iha fatin hanesan, tuir lezadu Manuel Antonio da Silva Viegas katak molok nee la iha problema entre ami maibe tamba arguidu nain rua la iha serbisu neebe mak laran moras ba lezadu hodi halo problema.

Lezadu mos nunka hasai liafuan fuan buan no ai-klak manas maibe kuandu arguidu nain rua baku tiha lezadu no fila husi ona ospital mak lezadu hasai liafuan nee ba arguidu nain rua nia ama rasik.

Hafoin rona tiha depoimentu husi parte rua, tribunal tenke adia fila fali julgamentu iha loron 17/02/2017, 17 h00 otl atu rona testemuna nain rua atu bele hetan deklarasaun neebe mak los no justu. Domingos Piedade Freitas

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...