Du’un Lezada IC Buan, To’o Sunu Nia Uma

DILI, STLNEWS.co – Du’un lezada inisial IC ho nia familia sira buan, ikus arguidu sira baku sasan neebe iha lezada sira nia uma laran rahun, no ikus liu deskonesidu sunu duni uma nee.

Iha sala julgamentu laran, iha loron (29/09/2021) nee tribunal rona deklarasaun arguidu inisial IS, nia depoimenta katak, momentu neeba nia iha hela Audian, nia maun inisial JA mak kontaktu ba nia katak, problema iha sira nia uma.

Tanba nee arguidu mos ba duni, nia to’o iha neeba haree problema duni, joven sira tuda hela lezada nia uma, tanba nee arguidu atu hapara, maibe ladiak tanba sira barak, ho ida nee mak hasai pistola tiru ba leten dala ida hodi ema halai namkari.

Arguidu rekonese, nia mak tama duni ba iha lezada sira nia uma, hodi bolu lezada ho nia kaben sai mai liur hodi sae kareta, tanba nia mak kontaktu ba kolega PNTL sira. Konaba akuzasaun dehan du’un lezada sira buan, ida nee nia laiha konesimentu, tanba hela dook malu.

Arguidu rekonese, nia maun nia oan feto ida mate duni, maibe motivu husi mate nee nia laiha konesimentu.

Iha fatin hanesan, lezada inisial IC deklara, arguidu hanesan PNTL ida, sira mak organiza grupu hodi ba tuda lezada nia uma.

Lezada deklara tan, arguidu mak tama ba iha lezada sira nia uma laran, kontrola lezada sira nia uma.

Rona tiha parte sira, tribunal adia ba loron seluk hodi rona deklarasaun sasin sira.

Audensia julgamentu nee, prezide husi Juiz Kolektivu Ana Paula, Maria Solana, Ivan Suritai, Ministeriu Publiku reprezenta husi Prokurador Domingos Barreto, no arguidu hetan asisensia legal husi Defensor Publiku.*

Reportajen: Terezinha De Deus

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...