Ema Deskonesidu Tuda Klinika Ria Mari Baucau

BAUCAU, STLNEWS.co – Iha loron 6 fulan Jullu tinan nee mais ou menus oras 7:18 OTL, ema deskonesidu ida tuda izolamentu klinika Ria Mari.

“Hodi kalan kuaze tuku 7:18 hau simu telefone, sira fo hatene hau dehan kazu ida akontese iha klinika Ria Mari, dehan ema deskonesidu ida tuda klinika ria mari,” dehan Inspektur Komandante Eskuadra Baucau Vila, Marcelino Fraga ba jornalista iha klinika Ria Mari Baucau, Kuarta (07/07/2021).

Nia hatutan, husi akontese nee parte seguransa PNTL eskuadra Baucau Vila too kedas iha fatin buka informasaun ba akontesementu nee, maibe la indentifika suspeitu ruma iha fatin akontese nee.

Dadaun nee parte seguransa komesa ona harii postu seguransa iha klinika Ria Mari, hahu komesa orsida kalan ba oin iha ona seguransa ba fatin izolamentu nee.

Husi akontese nee mos deskonfia suspeitu ida ho naran inisial A neebe mak ho kondisaun lanu, kalan nee kedas parte polisia buka suspeitu lanu nee, tanba halai lakon tiha lakonsege kaer, maibe foin dadersan tuku hitu (7) bolu ona suspeitu lanu nee ba halo indentifikasaun, aleinde nee mos bolu ho Diretor Saude Munisipiu Baucau nee mak fo informasaun.

“Deskonfia deit suspeitu ida lanu, hodikalan ami mai buka nia halai lakon tiha ba tiha tasi, depois ohin dadersan tuku hitu ami mai bolu nia ba halo identifikasaun, maibe ami bolu mos Diretor Saude, nia dehan ami fo informasaun tanba kalan nee ema tuda husi nakukun, neebe ami la indentifika ema ruma, maibe ami hatene ida ba koalia ho ami lanu nee mak ami hatene,” dehan nia.

Iha fatin hanesan, parteira Teresa Belo hateten, komunidade ida tama fatin izolamentu loke odamatan halo pasiente sira paniku no ameasa pesoal saude sira haruka sai husi klinika Ria Mari, se la sai mak komunidade nee telefone nia maluk atu sobu maternidade nee.

“Kalan tuku hitu iha komunidade ida mai tama iha izolamentu loke odamatan, pasiente sira toba ba nee halo pasiente sira paniku, nia sai fila fali mai iha liu ameasa ami rua kolega parteira ho doutora ida ameasa haruka ami sai husi nee, se ami la sai nia telefone nia kolega sira mai sobu maternidade ria mari,” nia tenik.

Nia hatutan, depois parte saude kontaktu kedas ho parte seguransa PNTL Baucau too kedas fatin hodi koalia ho komunidade neebe amesa pesoal saude sira nee haruka fila ba nia uma, depois parte PNTL sira fila husi fatin akontesementu liu minutu lima hanesan nee tuda kedas uma dala rua.*

Reportajen: MJ-1
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: