Ema Deskonesidu Tuda Rahun Ambulansia Iha Uato Lari

DILI, STLNEWS.CO – Ema deskonesidu iha Kuarta kalan nee mais ou menus tuku 20:00 OTL, tuda rahun ambulansia wainhira atu ba tula pasiente ida iha suku Afaloicai, Postu Administrativu Uato Lari, Munisipiu Viqueque.

Tuir Xefe Suku Afaloicai, Constantino Guterres katak, akontesementu nee wainhira pessoal saude ho ambulansia neebe akompania husi seguransa sira sai husi Viqueque atu tula pasiente Covid-19 iha Suku Afaloicai.

Maibe to iha area semiteriu ida iha suku Afaloicai, ambulansia nee hetan tuda husi ema deskonesidu, nunee rezultadu vidru ambulansia parte odamatan liman los rahun.

“Hau seidauk hare ho matan, maibe informasaun neebe hau simu husi Diretor Saude Munisipiu Viqueque katak, momentu akontesimentu nee pessoal saude ho ambulansia neebe akompania husi seguransa sai husi Viqueque, atu mai tula pasiente Covid-19 neebe hela iha Suku Afaloicai, maibe to iha semiteriu ida iha area Suku Afaloicai, ambulansia hetan tuda husi ema deskonesidu balun,” dehan Xefe Suku Afaloicai, Constantino Guterres ba STL liu husi telefone, Kuarta kalan (05/05/2021).

Tanba nee, aban iha loron Kinta (06/05/2021) sei halo aprosimasaun ho populasaun iha suku Afaloicai ho autoridade seguransa sira iha Postu Administrativu Uato Lari hodi buka tuir ema deskonesidu neebe tuda rahun ambulansia nee.

“Ho akontesementu nee, too agora ita seidauk hatene los se mak tuda rahun ambulansia nee, tanba nee ohin hau kontaktu ona ba parte PNTL eskuadra Uato Lari para aban Kinta nee bele buka tuir sira,” tenik nia.*

Reportajen: Ekipa STL

LEAVE A REPLY

Please enter your comment!
Please enter your name here

NEWS UPDATE

Aimoruk La Too, Komunidade Buruma Balun La Vasina

BAUCAU, STLNEWS.co - Komunidade iha Suku Buruma antusiasmu tebes atu simu vasina kontra Covid-19, maibe aimoruk la sufisiente, nunee balun deit mak simu vasina...

Reativa Eskola Iha Baucau Sei Marka Audensia Ho MEJD

BAUCAU, STLNEWS.co - Diretor Servisu Munisipal Edukasaun, Juventude, no Desportu (SMEJD) Baucau, Segunda semana oin sei marka audensia ho Ministeriu Edukasaun, Juventude, no Despostu...

Komunidade Hakbesik An Ba Parte Saude Hodi Simu Vasina

DILI, STLNEWS.co - Komunidade aldeia hat iha Suku Zulo, Postu Administrativu Zumalai, Munisipiu Covalima hakbesik an ona ba saude hodi simu vasina doze primeiru...
%d bloggers like this: