Faan Rai, Eurico no Antonio Hatan Iha Tribunal

DILI – Arguidu Eurico da Costa de Jesus, atual xefi suku Comoro no arguidu Antonio Esterito Santo Sarmento faan rai ba ema seluk maske rai nee laos arguidu nain rua. Tamba nee, arguidu nain rua hatan iha tribunal (13/02/2017).

Tuir akuzasaun husi Ministeriu Publiku neebe mak tribunal lee sai katak iha fulan Fevereiro 2014 iha tuku 17h30 lokoraik Cesar Agusto Diaz Quintas ho nia kaben Cristina Yuri Rebelo no Suzana ho nia kaben Jose Cristovao hanesan matadalan hodi hasoru malu ho senor Eurico da Costa de Jesus nudar xefi suku iha Kampung Baru Comoro Dili.

Ho nunee, lezadu hamutuk ho nain rua hodi ba hatudu rai neebe pretense ba arguidu Antonio nian, maibe arguidu nain rua promote ba lezadu katak sira sei koalia depois fo hatene rezultadu ba lezadu.

Maibe lezadu hein sira la kontaltu ho nunee lazadu ho inisiativa rasik hodi halo kontaktu ha arguidu Antonio, no arguidu hatan katak la iha rezultadu ba rai nebe ita hare maibe ita rai seluk atu faan.

Iha prinsipiu fulan Marsu 2014, data lezadu haluhan ona ba iha Kampung Baru ho arguidu nain rua ba hare fali rai seluk, neebe halo nia naruk 30 metrus ho luan 22 metrus. Tuir arguidu nia halo tos iha tempu Portugues too agora.

Liu semana ida iha data 19 Marsu 2014 iha oras tuku 18h00 lokraik lezadu ba iha arguidu Eurico nia uma inklui arguidu Antonio mos iha neeba hodi intrega osan ho kuantia USD$4.000(quatromil) dolares amerikanu.

Depois entrega osan ba arguidr Eurico sei koalia ba lezadu atu trata dokumentus relasional ba rai refere. Iha loron 19 April 2014 oras 11h00 lezadu ho sasin Valente no badaen ba iha rai neebe sosa, atu halo markasaun ba konstrusaun uma, maibe iha impedimentu rai neebe lezadu sosa laos arguidu sira nian maibe pretense ba senor Moises neebe hanesan nain ba rai.

Konsekuensia husi hahalok arguidu sira, hanesan lohi ka bosok, halo ba lezadu hanesan ema neebe ho boa fe, sosa rai atu halo kontrusaun uma lakon fiar nomos mos no prezudika lezadu iha situsaun ekonomia husi attitude arguidu sira. Arguidu sira ho intensaun atu hetan enrikesimentu ilejitimu ba sira nia an husi lohi la enganu hodi hamosu prejuizu patrimonialba lezadu.

Ho nunee arguidu, Antonio Esperito Santo Sarmento no Eurico da Costa de Jesus hanesan ko-autoria ba krime Burla agravadu neebe no punidu iha artigu 267 iha kodigu penal Timor Leste.

Hatan ba dekalarasaun nee, arguidu Eurico da Costa katak akuzasaun nee los hotu. No osan neebe mak lezadu entrega ba arguidu sira, arguidu sira entrega tiha ona iha tinan 2015. Osan neebe mak entrega ba lezadu hamutuk 4 mill. Maibe, arguidu Antonio Esperito Santo Sarmento la marka iha julgamentu tamba iha hela Indonesia. Domingos Piedade Freitas

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...