Falsifika Dokumentus, Bartolomeu Hatan Tribunal

DILI – Arguidu Bartolomeu Dias Tilman tenke ba hatan iha tribunal, tanba halo falsifikasaun dokumentus hodi sai portador ba kartaun eleitoral rua neebe la hanesan.

Tuir akuzasaun husi Ministeriu Publiku neebe mak tribunal lee sai katak, iha fulan Abril, tinan 2011, Sekretariadu Tekniku Admistrasaun Eleitoral (STAE) loke konkursu ida prensementu vaga ba ofisias sistema base ba dadus iha STAE.

Iha loron 3, 4 ho 9 fulan Maiu, tinan 2011, realiza intervista ba rekeremente no halo selesaun ba kandidatu sira liu husi Distritu Ainaro ho Dili nian.

Iha intervista nee funsionariu sira husi STAE nian deteta hetan arguidu Bartolomeo Dias Tilman hatama dokumentu ba kandidatu vaga ida, arguidu hatama husi Distritu Dili ho Ainaro no arguidu sai nuudar portador ba kartaun eleitoral rua neebe la hanesan.

Primeiru, kandidatura arguidu hatan iha eskritoriu STAE Distritu Dili ho numeru kartaun eleitoral 0235932. Segundu, kandidatura arguidu hatama iha eskritoriu STAE distritu Dili ho nunee numeru kartaun Eleitoral 0612277.

Kartaun eleitoral rua nee ida arguidu halo iha STAE Dili no ida seluk arguidu halo iha STAE Ainaro.

Konsekuensia husi arguidu nia hahalok nee hamosu prezuizu ba ema seluk k aba estadu no arguidu halo nia hahalok nee hodi benefisia ba nia an rasik.

Arguidu halo nia hahalok nee livre ho intensaun no hanoin rasik, arguidu hatene momos katak nia hahalok nee kontra lei penal Timor Leste, maibe arguidu halo nafatin nia hahalok nee tuir saida mak nia hakarak.

Arguidu mos hatene katak nia hahalok nee proibidu no punidu tuir lei ho hahalok nee konstitui arguidu nuudar autor material ho forma konsumadu ba krime ida husi ofensas falsifikasaun agravadu nee previstu no punidu iha artigu 304 husi kodigu penal nian.

Hatan ba akuzasaun arguidu Bartolomeu Dias Tilman katak, akuzasaun husi Ministeriu Publiku los hotu. Arguidu mos rekonese katak momentu neeba halo serbisu nuudar asistensia iha STAE nuudar operador.

Hau rekonese katak momentu neeba hau rasik involve direitamente atu halo eleitoral ida halo iha Ainaro no ida halo iha Dili, atu bele konkore ba vaga,”dehan nia iha sala audensia julgamentu, Tersa (07/03/2017).

Hafoin rona tiha depoimentu husi arguidu, tribunal submete kedas ba iha alegasaun final. Iha alegasaun final Ministeriu Publiku husu ba tribunal mak deside deit ba arguidu ninia hahalok neebe mak arguidu rasik komete.

Entertantu parte defesa husr ba tribunal atu aplika pena multa ba tribunal. Audensia nee suspende fali iha loron 22 Marsu 2017 iha horas 2.30 lokraik.

Iha audensia julgamentu nee prezide husi juiz singular, Ivan Jose Suriaty, Zulmira Auxiliadora da Silva no Sribuana da Costa, Ministeriu Publiku reprejenta husi prokurador Jacinto Babo Soares no arguidu hetan asistensia legal husi advogada Privada Adelinha Meluk Babo. Domingos Piedade Freitas

 

LEAVE A REPLY

Please enter your comment!
Please enter your name here

NEWS UPDATE

Xanana Fila Hikas Ona Mai TL Ho Batik

DILI, STLNEWS.co - Hafoin halao viajen ba Japaun ho Portugal, durante semana 3 hodi halao enkontru lubuk ida, no simu honorariu doctorate 2 husi...

Jornalista Iha Filipina Hetan Tiru, Suspeitu Sei Misteriu

DILI, STLNEWS.co – Jornalista ida mate hetan tiru iha Filipina loron Kuarta horiseik (08/12/2022), bazeia ba informasaun husi grupu advokasia fatin neeba. Nia mak Jesus...

Universidade Katolika TL Iha Lasu No Devosaun Boot

DILI, STLNEWS.co – Ohin governu no lider Igreja Katolika hamutuk ho Premeadu Nobel da Paz, Dr. Jose Ramos Horta halo inagurasaun abertura solene Universidade...