Fatuk Kona Ulun, ES nafatin Perdua HA

DILI, STLNEWS.co Tribunal Distrital Dili (TDD) iha loron Kinta nee (14/10/2021) halao julgamentu ba krime ofensa integridade fisika simples, neebe previstu iha artigu 145 husi Kodigu Penal. Krime nee entre arguidu inisial HA ho lezadu inisial ES.

Antes atu hahu julgamentu, tribunal haree katak krime nee nia natureza semi publiku, lei fo dalan atu bele dada fila.

Tanba nee tribunal tenta halo konsiliasaun ba iha lezadu, aseita atu bele dada fila krime nee, tanba lejitimidade tomak iha lezadu.

Rona tiha tribunal koalia, lezadu mos aseita atu bele dada fila krime nee, maibe husu arguidu atu iha futuru labele halo tan hahalok nee.

Iha sala julgamentu arguidu mos jura, sei la halo tan hahalok nee iha futuru.

Arguidu mos hamriik husu deskulpa ba lezadu no promete sei la halo tan hahalok nee.

Audensia julgamentu nee prezide husi Juiz Singular Argentino Nunes, Ministeru Publiku reprezenta husi Prokurador Jasinto Babo, arguidu hetan asistensia legal husi Defensor Publiku.*

Reportajen: Terezinha De Deus

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...