Feen Lori Laen Ba Tribunal, MP Alega Tinan 1 Prizaun, Nia Ezekusaun Suspende

DILI, STLNEWS.co – Lezada ho inisial MA deklara, nia lori arguidu ho inisial DS to’o tribunal, tanba halo agresaun ba lezada. Motivu husi agresaun nee, tanba deit arguidu deskonfia lezada ba arguidu nia kolega servisu.

Tuir faktus katak, iha loron 19 fulan Setembru tinan 2020, iha kampu Alor arguidu no lezada diskute malu, tanba deit arguidu deskonfia lezada ba mane seluk.

Iha momentu neeba, arguidu basa dala rua ba iha lezada nia hasan, tuku iha ulun no kabas.

Tanba nee, MP akuza arguidu ba iha krime violensia domestika ho forma ofensa intgridade fisika simples neebe previstu iha artigu 145 husi Kodigu Penal Timor Leste.

Iha sala julgamentu arguidu deklara, basa deit lezada dala rua, tanba deskonfia lezada ho mane seluk.

Arguidu konfesa, mosu tiha problema nee sira diak malu fali, no agora hela hamutuk hela, arguidu mos arepende ba nia hahalok.

Lezada mos haforsa tan akuzasaun katak, arguidu baku duni lezada, tanba deskonfia lezada ho mane seluk.

Lezada konfesa, deskonfia nee laos foin mak dala ida, maibe bebeik ona. No dala ruma arguidu fila husi servisu, bolu nia oan sira investiga konaba nia inan iha uma, se mak mai iha uma.

Rona tiha husi parte rua, tama ba iha alegasaun Ministeriu Publiku husu tribunal atu aplika pena prizaun tinan 1 suspende tinan 1 fulan 6.

Enkuantu husi parte defeza, husu atu aplika pena neebe adekuadu ba arguidu.

Rona tiha parte rua, tribunal adia ba loron seluk hodi rona desizaun.

Audensia julgamentu nee prezide husi juiz singular Ana Paula, MP reprezenta husi prokurador nain ida, arguidu hetan asistensia legal husi Defensor Publiku.*

Reportajen: Terezinha De Deus

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...