Fen Ezije Sesta Bazika, Laen Baku

BAUCAU, STLNEWS.co – Komando Polisia Nasional Timor Leste (PNTL) Munisipiu Baucau, iha loron Segunda kaptura sidadaun ida ho inisial RB baku feen segundu, tanba fen segundu la hetan direitu ba programa sesta bazika.

Informasaun nee hatoo husi Segundu Komandante PNTL Munisipiu Baucau, Sup. Asistente Jose Casmiro de Carvalho ba jornalista iha nia knar fatin, Tersa (01/06/2021).

“Kauza nee akontese tan deit mane nee hola feto rua. Horseik simu sesta bazika iha Suku Tirilolo, problema nee feto segundu ezije para atu nunee nia mos hetan fixa familia, maibe nia katuas oan ba koordena ho suku maibe dehan katak ema ida la bele hetan fixa familia rua, entaun kauza husi ida nee mak hamosu kazu violensia domestika. Vitima agora halo hela tratamentu iha hospital Horex Baucau,” tenik Jose.

Nia hateten, vitima hetan kanek sofre todan iha parte liman no kabas no depois de akontesementu parte PNTL halo kedas atusaun, agora dadaun suspeitu detein hela sela komandu PNTL munisipiu Baucau hodi hein prosesu investigasaun.

Iha fatin seluk mediku, Ziruzia Jacinto Vaz hateten, wainhira vitima too iha emergensia tuku 5 loraik, mediku sira halo amnalesis ba pasiente nee hatudu katak kanek refere hetan baku no tebe husi laen kaben

“Nia hetan baku husi nia laen, nia laen uza aikabelak no mos hetan tuku no tebe hotu aikabelak neebe nia uza baku iha nia ulun, parte liman, no parte ain,” haktuir Jacinto.

Nia hatutan, depois de halo exame fisiku, halo mos invetigasaun nesesariu too ikus fo diagnose hatudu katak pasiente nee trauma ou lizeira.

Reportajen: MJ-1
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: