Feto – Mane Iresponsabilidade, Bebe Inosente Sai Vitima

DILI, STLNEWS.co – Relasiona ho foin loron hirak liu ba akontese kazu, inan feton ida soe bebe iha Manleuana, ida nee tanba feto ho mane iresponsabalidade no laiha edukasaun moral, bebe inosente sai vitima.

Lamentasaun nee hatoo husi Primeira Vise Prezidente Parlamentu Nasional, Maria Angelina Sarmento ba STL, iha PN, Dili, Kuarta (21/07/2021).

“Triste no lamenta tebes ho atitude ida nee, tanba kontinua larespeita direitu labarik sira nian atu moris. Bebe nee inosente, inan aman mak iha konkordansia mak iha bebe, maibe ikus mai bebe sai vitima, ida nee mos tanba inan aman laiha responsabilidade,” katak deputada Maria Angelina.

Nia dehan, tuir loos tenke hanoin di-diak antes atu foti desizaun. I ida nee mos presiza edukasaun husi familia, oinsa atu oan sira bele proteje sira nia isin lolos, nunee mos oinsa, hadook aan husi ema estrannu. I inan aman sira tenke hahu atu koalia eduka oan sira iha uma laran, atu nunee oan sira hasoru situasaun sira nee sira mos bele hanoin ba edukasaun neebe mak inan sira fo iha familia ka iha uam laran, hodi sira prevene atitude sira nee.

Nia hatutan, haree ba situasaun sira hanesan nee presiza iha divulgasaun, atu ema neebe mak halo atitude nuee bele hatene, hodi nia hanoin atu preven atitide nunee, tanba nee nia parte kondena makaas atitude ida soe bebe.

Nudar reprezantante povu husu atu labele halai ses husi responsabilidade, tanba bainhira halo tiha aktus maibe ikus mai estraga no soe bebe. Tanba nee nia parte enkoraja, alin feto feto sira karik hasoru sitausaun hanesan nee tenke barani atu koalia sai.*

Reportajen: Guilhermina Franco / Madalena Horta
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: