Fo Subornu ba Poltraz, Hetan Kastigu Tinan 6

Komandante Seksaun Tranzitu Komandu Polisia Munisipiu Dili (KPMD), Inspetor Xefe Polisia, Domingos Sarmento hateten, ba komunidade ka motorista neebe koko fo subornu ba membru Polisia Tranzitu (Poltraz) Sei hetan kadeia ka pena tinan 6 too 10. (Foto ilustrasaun: TNJ)

DILI, STLNEWS.co – Komandante Seksaun Tranzitu Komandu Polisia Munisipiu Dili (KPMD), Inspetor Xefe Polisia, Domingos Sarmento hateten, ba komunidade ka motorista neebe koko fo subornu ba membru Polisia Tranzitu (Poltraz) Sei hetan kadeia ka pena tinan 6 too 10.

Tuir Domingos katak, wainhira Poltraz kuandu pasa revista ba roda viariu bazeia ba lei kodiku penal artigu 293 no 294 maka hetan sidadaun balun koko fo subornu hodi taka sala neebe motorista nee rasik komete. Sei hetan pena tinan neen (6) too sanulu (10).

“Ita sempre fo sai ba publiku liu husi radiu no televisaun nunee karik buat sira nee akontese. Pesoal membru balun ke involve-aan iha aktus krime sira hanesan nee, halo favor ida aprejenta mai komandu ka bele diretamente mai komadante tranzitu para ita bele loke prosesu ba pesoal sira neebe halo infrasaun ba ida nee. Ita latolera no labele tolera tanba kazu korupsaun krime publiku,” katak Domingos ba TL iha nian knar fatin, Kaikoli-Dili (16/11/2020).

Tanba kastigu ba ema neebe koko halo subor ho tinan naruk. Tanba nee, husu koperasaun komunidade nian atu bele hamutuk hodi hadia instituisaun PNTL sai diak liu iha futuru.

“Hau fiar seidauk iha keixa no ate a data sedauk iha keixa so nao ser komunidade sira involve an ba sobornu nee iha nian mandatu hau kaer ona ema nain lima oras ne prosesu lao hela, ” katak nia.

Nia dehan ba sidadaun sira neebe mak koko halo subornu ba autoridade siguransa iha estrada publiku nee nian penalidade todan minimu 6 too tinan 10 tuir lei kodiku penal neebe difini iha artigu 293 too 294 korupsaun ativa no korupsaun pasiva.

Tanba ikus nee komesa rona lia anin mai ita nian tilun katak ami sei iha kobransa ilegal, komandu husu nafatin komunidade sira karik buat sira nee akontese iha terenu halo favor hatoo keixa mai komandu.*

Reportajen: Natalina Lopes/Efizenia da Costa
Editor: Ekipa STL

LEAVE A REPLY

Please enter your comment!
Please enter your name here